Salmi תהילים (Tehillim) 87

Stuttgartensia - Delitzsch	Modern Hebrew Bible
¹ לִבְנֵי־קֹרַח מִזְמֹור שִׁיר יְסוּדָתֹו בְּהַרְרֵי־קֹדֶשׁ	¹ לבני קרח מזמור שיר יסודתו בהררי קדש
² אֹהֵב יְהוָה שַׁעֲרֵי צִיֹּון מִכֹּל מִשְׁכְּנֹות יַעֲקֹב	² אהב יהוה שערי ציון מכל משכנות יעקב
³ נִכְבָּדֹות מְדֻבָּר בָּךְ עִיר הָאֱלֹהִים סֶלָה	³ נכבדות מדבר בך עיר האלהים סלה
⁴ אַזְכִּיר ׀ רַהַב וּבָבֶל לְיֹדְעָי הִנֵּה פְלֶשֶׁת וְצֹור עִם־כּוּשׁ זֶה יֻלַּד־שָׁם	⁴ אזכיר רהב ובבל לידעי הנה פלשת וצור עם כוש זה ילד שם
⁵ וּלֲצִיֹּון ׀ יֵאָמַר אִישׁ וְאִישׁ יֻלַּד־בָּהּ וְהוּא יְכֹונְנֶהָ עֶלְיֹון	⁵ ולציון יאמר איש ואיש ילד בה והוא יכוננה עליון
⁶ יְהוָה יִסְפֹּר בִּכְתֹוב עַמִּים זֶה יֻלַּד־שָׁם סֶלָה	⁶ יהוה יספר בכתוב עמים זה ילד שם סלה
⁷ וְשָׁרִים כְּחֹלְלִים כָּל־מַעְיָנַי בָּךְ	⁷ ושרים כחללים כל מעיני בך