Proverbi משלי (Mishlei) 4

Torna indietro

Modern Hebrew Bible	Stuttgartensia - Delitzsch
¹ שמעו בנים מוסר אב והקשיבו לדעת בינה	¹ שִׁמְעוּ בָנִים מוּסַר אָב וְהַקְשִׁיבוּ לָדַעַת בִּינָה
² כי לקח טוב נתתי לכם תורתי אל תעזבו	² כִּי לֶקַח טֹוב נָתַתִּי לָכֶם תֹּורָתִי אַל־תַּעֲזֹבוּ
³ כי בן הייתי לאבי רך ויחיד לפני אמי	³ כִּי־בֵן הָיִיתִי לְאָבִי רַךְ וְיָחִיד לִפְנֵי אִמִּי
⁴ וירני ויאמר לי יתמך דברי לבך שמר מצותי וחיה	⁴ וַיֹּרֵנִי וַיֹּאמֶר לִי יִתְמָךְ־דְּבָרַי לִבֶּךָ שְׁמֹר מִצְוֹתַי וֶחְיֵה
⁵ קנה חכמה קנה בינה אל תשכח ואל תט מאמרי פי	⁵ קְנֵה חָכְמָה קְנֵה בִינָה אַל־תִּשְׁכַּח וְאַל־תֵּט מֵאִמְרֵי־פִי
⁶ אל תעזבה ותשמרך אהבה ותצרך	⁶ אַל־תַּעַזְבֶהָ וְתִשְׁמְרֶךָּ אֱהָבֶהָ וְתִצְּרֶךָּ
⁷ ראשית חכמה קנה חכמה ובכל קנינך קנה בינה	⁷ רֵאשִׁית חָכְמָה קְנֵה חָכְמָה וּבְכָל־קִנְיָנְךָ קְנֵה בִינָה
⁸ סלסלה ותרוממך תכבדך כי תחבקנה	⁸ סַלְסְלֶהָ וּתְרֹומְמֶךָּ תְּכַבֵּדְךָ כִּי תְחַבְּקֶנָּה
⁹ תתן לראשך לוית חן עטרת תפארת תמגנך	⁹ תִּתֵּן לְרֹאשְׁךָ לִוְיַת־חֵן עֲטֶרֶת תִּפְאֶרֶת תְּמַגְּנֶךָּ
¹⁰ שמע בני וקח אמרי וירבו לך שנות חיים	¹⁰ שְׁמַע בְּנִי וְקַח אֲמָרָי וְיִרְבּוּ לְךָ שְׁנֹות חַיִּים
¹¹ בדרך חכמה הרתיך הדרכתיך במעגלי ישר	¹¹ בְּדֶרֶךְ חָכְמָה הֹרֵתִיךָ הִדְרַכְתִּיךָ בְּמַעְגְּלֵי־יֹשֶׁר
¹² בלכתך לא יצר צעדך ואם תרוץ לא תכשל	¹² בְּלֶכְתְּךָ לֹא־יֵצַר צַעֲדֶךָ וְאִם־תָּרוּץ לֹא תִכָּשֵׁל
¹³ החזק במוסר אל תרף נצרה כי היא חייך	¹³ הַחֲזֵק בַּמּוּסָר אַל־תֶּרֶף נִצְּרֶהָ כִּי־הִיא חַיֶּיךָ
¹⁴ בארח רשעים אל תבא ואל תאשר בדרך רעים	¹⁴ בְּאֹרַח רְשָׁעִים אַל־תָּבֹא וְאַל־תְּאַשֵּׁר בְּדֶרֶךְ רָעִים
¹⁵ פרעהו אל תעבר בו שטה מעליו ועבור	¹⁵ פְּרָעֵהוּ אַל־תַּעֲבָר־בֹּו שְׂטֵה מֵעָלָיו וַעֲבֹור
¹⁶ כי לא ישנו אם לא ירעו ונגזלה שנתם אם לא יכשולו	¹⁶ כִּי לֹא יִשְׁנוּ אִם־לֹא יָרֵעוּ וְנִגְזְלָה נָתָם אִם־לֹא [יִכְשֹׁולוּ כ] (יַכְשִׁילוּ׃ ק)
¹⁷ כי לחמו לחם רשע ויין חמסים ישתו	¹⁷ כִּי לָחֲמוּ לֶחֶם רֶשַׁע וְיֵין חֲמָסִים יִשְׁתּוּ
¹⁸ וארח צדיקים כאור נגה הולך ואור עד נכון היום	¹⁸ וְאֹרַח צַדִּיקִים כְּאֹור נֹגַהּ הֹולֵךְ וָאֹור עַד־נְכֹון הַיֹּום
¹⁹ דרך רשעים כאפלה לא ידעו במה יכשלו	¹⁹ דֶּרֶךְ רְשָׁעִים כָּאֲפֵלָה לֹא יָדְעוּ בַּמֶּה יִכָּשֵׁלוּ׃ פ
²⁰ בני לדברי הקשיבה לאמרי הט אזנך	²⁰ בְּנִי לִדְבָרַי הַקְשִׁיבָה לַאֲמָרַי הַט־אָזְנֶךָ
²¹ אל יליזו מעיניך שמרם בתוך לבבך	²¹ אַל־יַלִּיזוּ מֵעֵינֶיךָ מְרֵם בְּתֹוךְ לְבָבֶךָ
²² כי חיים הם למצאיהם ולכל בשרו מרפא	²² כִּי־חַיִּים הֵם לְמֹצְאֵיהֶם וּלְכָל־בְּשָׂרֹו מַרְפֵּא
²³ מכל משמר נצר לבך כי ממנו תוצאות חיים	²³ מִכָּל־מִשְׁמָר נְצֹר לִבֶּךָ כִּי־מִמֶּנּוּ תֹּוצְאֹות חַיִּים
²⁴ הסר ממך עקשות פה ולזות שפתים הרחק ממך	²⁴ הָסֵר מִמְּךָ עִקְּשׁוּת פֶּה וּלְזוּת פָתַיִם הַרְחֵק מִמֶּךָּ
²⁵ עיניך לנכח יביטו ועפעפיך יישרו נגדך	²⁵ עֵינֶיךָ לְנֹכַח יַבִּיטוּ וְעַפְעַפֶּיךָ יַיְשִׁרוּ נֶגְדֶּךָ
²⁶ פלס מעגל רגלך וכל דרכיך יכנו	²⁶ פַּלֵּס מַעְגַּל רַגְלֶךָ וְכָל־דְּרָכֶיךָ יִכֹּנוּ
²⁷ אל תט ימין ושמאול הסר רגלך מרע	²⁷ אַל־תֵּט־יָמִין וּשְׂמֹאול הָסֵר רַגְלְךָ מֵרָע

Cambia Bibbia

Confronta con un'altra Bibbia

Versetti esaminati