Salmi תהילים (Tehillim) 85

Modern Hebrew Bible	Miqra 'al pi ha-Mesorah
¹ למנצח לבני קרח מזמור רצית יהוה ארצך שבת שבות יעקב	¹ לַמְנַצֵּחַ ׀ לִבְנֵי־קֹרַח מִזְמֽוֹר׃
² נשאת עון עמך כסית כל חטאתם סלה	² רָצִיתָ יְהֹוָה אַרְצֶךָשַׁבְתָּ שבות שְׁבִית יַעֲקֹֽב׃
³ אספת כל עברתך השיבות מחרון אפך	³ נָשָׂאתָ עֲוֺן עַמֶּךָכִּסִּיתָ כׇל־חַטָּאתָם סֶֽלָה׃
⁴ שובנו אלהי ישענו והפר כעסך עמנו	⁴ אָסַפְתָּ כׇל־עֶבְרָתֶךָהֱשִׁיבוֹתָ מֵחֲרוֹן אַפֶּֽךָ׃
⁵ הלעולם תאנף בנו תמשך אפך לדר ודר	⁵ שׁוּבֵנוּ אֱלֹהֵי יִשְׁעֵנוּוְהָפֵר כַּעַסְךָ עִמָּֽנוּ׃
⁶ הלא אתה תשוב תחינו ועמך ישמחו בך	⁶ הַלְעוֹלָם תֶּאֱנַף־בָּנוּתִּמְשֹׁךְ אַפְּךָ לְדֹר וָדֹֽר׃
⁷ הראנו יהוה חסדך וישעך תתן לנו	⁷ הֲֽלֹא־אַתָּה תָּשׁוּב תְּחַיֵּנוּוְעַמְּךָ יִשְׂמְחוּ־בָֽךְ׃
⁸ אשמעה מה ידבר האל יהוה כי ידבר שלום אל עמו ואל חסידיו ואל ישובו לכסלה	⁸ הַרְאֵנוּ יְהֹוָה חַסְדֶּךָוְיֶשְׁעֲךָ תִּתֶּן־לָֽנוּ׃
⁹ אך קרוב ליראיו ישעו לשכן כבוד בארצנו	⁹ אֶשְׁמְעָה מַה־יְדַבֵּר הָאֵל ׀ יְהֹוָהכִּי ׀ יְדַבֵּר שָׁלוֹםאֶל־עַמּוֹ וְאֶל־חֲסִידָיווְאַל־יָשׁוּבוּ לְכִסְלָֽה׃
¹⁰ חסד ואמת נפגשו צדק ושלום נשקו	¹⁰ אַךְ קָרוֹב לִירֵאָיו יִשְׁעוֹלִשְׁכֹּן כָּבוֹד בְּאַרְצֵֽנוּ׃
¹¹ אמת מארץ תצמח וצדק משמים נשקף	¹¹ חֶסֶד־וֶאֱמֶת נִפְגָּשׁוּצֶדֶק וְשָׁלוֹם נָשָֽׁקוּ׃
¹² גם יהוה יתן הטוב וארצנו תתן יבולה	¹² אֱמֶת מֵאֶרֶץ תִּצְמָחוְצֶדֶק מִשָּׁמַיִם נִשְׁקָֽף׃
¹³ צדק לפניו יהלך וישם לדרך פעמיו	¹³ גַּם־יְהֹוָה יִתֵּן הַטּוֹבוְאַרְצֵנוּ תִּתֵּן יְבוּלָֽהּ׃
	¹⁴ צֶדֶק לְפָנָיו יְהַלֵּךְוְיָשֵׂם לְדֶרֶךְ פְּעָמָֽיו׃