Tehillim (תהילים) - Salmi 30

MODERN HEBREW BIBLE	Miqra 'al pi ha-Mesorah
1 מזמור שיר חנכת הבית לדוד ארוממך יהוה כי דליתני ולא שמחת איבי לי	1 מִזְמוֹר שִׁיר־חֲנֻכַּת הַבַּיִת לְדָוִֽד׃
2 יהוה אלהי שועתי אליך ותרפאני	2 אֲרוֹמִמְךָ יְהֹוָה כִּי דִלִּיתָנִיוְלֹֽא־שִׂמַּחְתָּ אֹיְבַי לִֽי׃
3 יהוה העלית מן שאול נפשי חייתני מיורדי בור	3 יְהֹוָה אֱלֹהָישִׁוַּעְתִּי אֵלֶיךָ וַתִּרְפָּאֵֽנִי׃
4 זמרו ליהוה חסידיו והודו לזכר קדשו	4 יְֽהֹוָה הֶעֱלִיתָ מִן־שְׁאוֹל נַפְשִׁיחִיִּיתַנִי מיורדי מִיׇּֽרְדִי־בֽוֹר׃
5 כי רגע באפו חיים ברצונו בערב ילין בכי ולבקר רנה	5 זַמְּרוּ לַיהֹוָה חֲסִידָיווְהוֹדוּ לְזֵכֶר קׇדְשֽׁוֹ׃
6 ואני אמרתי בשלוי בל אמוט לעולם	6 כִּי רֶגַע ׀ בְּאַפּוֹחַיִּים בִּרְצוֹנוֹבָּעֶרֶב יָלִין בֶּכִיוְלַבֹּקֶר רִנָּֽה׃
7 יהוה ברצונך העמדתה להררי עז הסתרת פניך הייתי נבהל	7 וַאֲנִי אָמַרְתִּי בְשַׁלְוִיבַּל־אֶמּוֹט לְעוֹלָֽם׃
8 אליך יהוה אקרא ואל אדני אתחנן	8 יְֽהֹוָה בִּרְצוֹנְךָ הֶעֱמַדְתָּה לְֽהַרְרִי עֹזהִסְתַּרְתָּ פָנֶיךָהָיִיתִי נִבְהָֽל׃
9 מה בצע בדמי ברדתי אל שחת היודך עפר היגיד אמתך	9 אֵלֶיךָ יְהֹוָה אֶקְרָאוְאֶל־אֲדֹנָי אֶתְחַנָּֽן׃
10 שמע יהוה וחנני יהוה היה עזר לי	10 מַה־בֶּצַע בְּדָמִיבְּרִדְתִּי אֶל שָׁחַתהֲיוֹדְךָ עָפָרהֲיַגִּיד אֲמִתֶּֽךָ׃
11 הפכת מספדי למחול לי פתחת שקי ותאזרני שמחה	11 שְׁמַע־יְהֹוָה וְחׇנֵּנִייְהֹוָה הֱֽיֵה־עֹזֵר לִֽי׃
12 למען יזמרך כבוד ולא ידם יהוה אלהי לעולם אודך	12 הָפַכְתָּ מִסְפְּדִי לְמָחוֹל לִיפִּתַּחְתָּ שַׂקִּיוַֽתְּאַזְּרֵנִי שִׂמְחָֽה׃
	13 לְמַעַן ׀ יְזַמֶּרְךָ כָבוֹד וְלֹא יִדֹּםיְהֹוָה אֱלֹהַי לְעוֹלָם אוֹדֶֽךָּ׃