Salmi תהילים (Tehillim) 142

Modern Hebrew Bible	Stuttgartensia - Delitzsch
¹ משכיל לדוד בהיותו במערה תפלה קולי אל יהוה אזעק קולי אל יהוה אתחנן	¹ מַשְׂכִּיל לְדָוִד בִּהְיֹותֹו בַמְּעָרָה תְפִלָּה
² אשפך לפניו שיחי צרתי לפניו אגיד	² קֹולִי אֶל־יְהוָה אֶזְעָק קֹולִי אֶל־יְהוָה אֶתְחַנָּן
³ בהתעטף עלי רוחי ואתה ידעת נתיבתי בארח זו אהלך טמנו פח לי	³ אֶשְׁפֹּךְ לְפָנָיו שִׂיחִי צָרָתִי לְפָנָיו אַגִּיד
⁴ הביט ימין וראה ואין לי מכיר אבד מנוס ממני אין דורש לנפשי	⁴ בְּהִתְעַטֵּף עָלַי ׀ רוּחִי וְאַתָּה יָדַעְתָּ נְתִיבָתִי בְּאֹרַח־זוּ אֲהַלֵּךְ טָמְנוּ פַח לִי
⁵ זעקתי אליך יהוה אמרתי אתה מחסי חלקי בארץ החיים	⁵ הַבֵּיט יָמִין ׀ וּרְאֵה וְאֵין־לִי מַכִּיר אָבַד מָנֹוס מִמֶּנִּי אֵין דֹּורֵשׁ לְנַפְשִׁי
⁶ הקשיבה אל רנתי כי דלותי מאד הצילני מרדפי כי אמצו ממני	⁶ זָעַקְתִּי אֵלֶיךָ יְהוָה אָמַרְתִּי אַתָּה מַחְסִי חֶלְקִי בְּאֶרֶץ הַחַיִּים
⁷ הוציאה ממסגר נפשי להודות את שמך בי יכתרו צדיקים כי תגמל עלי	⁷ הַקְשִׁיבָה ׀ אֶל־רִנָּתִי כִּי־דַלֹּותִי מְאֹד הַצִּילֵנִי מֵרֹדְפַי כִּי אָמְצוּ מִמֶּנִּי
	⁸ הֹוצִיאָה מִמַּסְגֵּר ׀ נַפְשִׁי לְהֹודֹות אֶת־שְׁמֶךָ בִּי יַכְתִּרוּ צַדִּיקִים כִּי תִגְמֹל עָלָי