Salmi תהילים (Tehillim) 129

MODERN HEBREW BIBLE	Miqra 'al pi ha-Mesorah
1 שיר המעלות רבת צררוני מנעורי יאמר נא ישראל	1 שִׁיר הַֽמַּעֲלוֹתרַבַּת צְרָרוּנִי מִנְּעוּרַייֹאמַר־נָא יִשְׂרָאֵֽל׃
2 רבת צררוני מנעורי גם לא יכלו לי	2 רַבַּת צְרָרוּנִי מִנְּעוּרָיגַּם לֹא־יָכְלוּ לִֽי׃
3 על גבי חרשו חרשים האריכו למענותם	3 עַל־גַּבִּי חָרְשׁוּ חֹרְשִׁיםהֶאֱרִיכוּ למענותם לְמַעֲנִיתָֽם׃
4 יהוה צדיק קצץ עבות רשעים	4 יְהֹוָה צַדִּיקקִצֵּץ עֲבוֹת רְשָׁעִֽים׃
5 יבשו ויסגו אחור כל שנאי ציון	5 יֵבֹשׁוּ וְיִסֹּגוּ אָחוֹרכֹּל שֹׂנְאֵי צִיּֽוֹן׃
6 יהיו כחציר גגות שקדמת שלף יבש	6 יִהְיוּ כַּחֲצִיר גַּגּוֹתשֶׁקַּדְמַת שָׁלַף יָבֵֽשׁ׃
7 שלא מלא כפו קוצר וחצנו מעמר	7 שֶׁלֹּא מִלֵּא כַפּוֹ קוֹצֵרוְחִצְנוֹ מְעַמֵּֽר׃
8 ולא אמרו העברים ברכת יהוה אליכם ברכנו אתכם בשם יהוה	8 וְלֹא אָמְרוּ ׀ הָעֹבְרִיםבִּרְכַּֽת־יְהֹוָה אֲלֵיכֶםבֵּרַכְנוּ אֶתְכֶם בְּשֵׁם יְהֹוָֽה׃