| 1 בֶּן־עֶשְׂרִים שָׁנָה אָחָז בְּמׇלְכוֹ וְשֵׁשׁ־עֶשְׂרֵה שָׁנָה מָלַךְ בִּירוּשָׁלִָם וְלֹֽא־עָשָׂה הַיָּשָׁר בְּעֵינֵי יְהֹוָה כְּדָוִיד אָבִֽיו׃ | 1 ܒܪ ܥܣܪܝܢ ܗܘܐ ܘܚܡܫ ܫܢ̈ܝܢ ܐܚܙ ܟܕ ܩܡ ܒܡܠܟܘܬܐ ܘܫܬܬܥܣܪܐ ܫܢ̈ܝܢ ܐܡܠܟ ܒܐܘܪܫܠܡ ܘܠܐ ܥܒܕ ܕܫܦܝܪ ܩܕܡ ܡܪܝܐ ܐܠܗܗ ܐܝܟ ܕܘܝܕ ܐܒܘܗܝ |
| 2 וַיֵּלֶךְ בְּדַרְכֵי מַלְכֵי יִשְׂרָאֵל וְגַם מַסֵּכוֹת עָשָׂה לַבְּעָלִֽים׃ | 2 ܘܗܠܟ ܒܐܘܪ̈ܚܬܐ ܕܡ̈ܠܟܐ ܕܐܝܣܪܝܠ ܘܐܦ ܡܕܒ̈ܚܐ ܥܒܕ ܠܦܬܟܪ̈ܐ |
| 3 וְהוּא הִקְטִיר בְּגֵיא בֶן־הִנֹּם וַיַּבְעֵר אֶת־בָּנָיו בָּאֵשׁ כְּתֹֽעֲבוֹת הַגּוֹיִם אֲשֶׁר הֹרִישׁ יְהֹוָה מִפְּנֵי בְּנֵי יִשְׂרָאֵֽל׃ | 3 ܘܐܣܩ ܩܛܪ̈ܘܩܐ ܕܒܣ̈ܡܐ ܒܢܚ̈ܠܐ ܪ̈ܘܪܒܐ ܘܐܥܒܪ ܒܪܗ ܒܢܘܪܐ ܐܝܟ ܢܡܘܣܐ ܕܥܡ̈ܡܐ ܕܐܘܒܕ ܡܪܝܐ ܡܢ ܩܕܡ ܒܢ̈ܝ ܐܝܣܪܝܠ |
| 4 וַיְזַבֵּחַ וַיְקַטֵּר בַּבָּמוֹת וְעַל־הַגְּבָעוֹת וְתַחַת כׇּל־עֵץ רַֽעֲנָֽן׃ | 4 ܘܕܒܚ ܘܐܣܩ ܩܛܪ̈ܘܩܐ ܕܒܣ̈ܡܐ ܥܠ ܡܕܒ̈ܚܐ ܘܥܠ ܥܠܘ̈ܬܐ ܘܬܚܝܬ ܟܘܠ ܐܝ̈ܠܢܐ ܫܦܝܪ̈ܐ |
| 5 וַֽיִּתְּנֵהוּ יְהֹוָה אֱלֹהָיו בְּיַד מֶלֶךְ אֲרָם וַיַּכּוּ־בוֹ וַיִּשְׁבּוּ מִמֶּנּוּ שִׁבְיָה גְדוֹלָה וַיָּבִיאוּ דַּרְמָשֶׂק וְגַם בְּיַד־מֶלֶךְ יִשְׂרָאֵל נִתָּן וַיַּךְ־בּוֹ מַכָּה גְדוֹלָֽה׃ | 5 ܘܐܫܠܡܗ ܡܪܝܐ ܐܠܗܐ ܒܐܝܕܐ ܕܡܠܟܐ ܕܐܕܘܡ ܘܚܪܒ ܡܢܗ ܚܪܒܐ ܣܓܝ ܘܫܒܐ ܡܢܗ ܫܒܝܬܐ ܪܒܬܐ ܘܐܬܘ ܠܕܪܡܣܘܩ ܘܐܦ ܒܐܝ̈ܕܝ ܡܠܟܐ ܕܐܝܣܪܝܠ ܐܫܬܠܡ ܘܚܪܒ ܡܢܗ ܚܪܒܐ ܪܒܬܐ |
| 6 וַיַּהֲרֹג פֶּקַח בֶּן־רְמַלְיָהוּ בִּיהוּדָה מֵאָה וְעֶשְׂרִים אֶלֶף בְּיוֹם אֶחָד הַכֹּל בְּנֵי־חָיִל בְּעׇזְבָם אֶת־יְהֹוָה אֱלֹהֵי אֲבוֹתָֽם׃ | 6 ܘܩܛܠ ܦܩܚ ܒܪ ܪܘܡܠܝܐ ܡܢ ܡܠܟܐ ܕܒܝܬ ܝܗܘܕܐ ܡܐܐ ܘܥܣܪܝܢ ܐ̈ܠܦܝܢ ܒܝܘܡܐ ܚܕ ܟܠܗܘܢ ܓܒܪ̈ܐ ܓܢܒܪ̈ܝ ܚܝܠܐ ܥܠ ܕܫܒܩܘ ܠܡܪܝܐ ܐܠܗܐ ܕܐܒܗ̈ܝܗܘܢ |
| 7 וַֽיַּהֲרֹג זִכְרִי ׀ גִּבּוֹר אֶפְרַיִם אֶת־מַעֲשֵׂיָהוּ בֶּן־הַמֶּלֶךְ וְאֶת־עַזְרִיקָם נְגִיד הַבָּיִת וְאֶת־אֶלְקָנָה מִשְׁנֵה הַמֶּֽלֶךְ׃ | 7 ܘܩܛܠ ܠܙܟܪܝ ܓܢܒܪܐ ܕܒܝܬ ܐܦܪܝܡ ܘܠܡܥܣܝܐ ܒܪ ܡܠܟܐ ܘܠܥܙܪܩܝ ܪܒ ܒܝܬܐ ܘܠܐܠܩܢܐ ܬܢܝܢܐ ܕܡܠܟܐ |
| 8 וַיִּשְׁבּוּ בְנֵֽי־יִשְׂרָאֵל מֵאֲחֵיהֶם מָאתַיִם אֶלֶף נָשִׁים בָּנִים וּבָנוֹת וְגַם־שָׁלָל רָב בָּזְזוּ מֵהֶם וַיָּבִיאוּ אֶת־הַשָּׁלָל לְשֹׁמְרֽוֹן׃ | 8 ܘܫܒܘ ܒܢ̈ܝ ܐܝܣܪܝܠ ܡܢ ܐܚܝ̈ܗܘܢ ܐܢܫܐ ܡܐܬܝܢ ܐ̈ܠܦܝܢ ܘܒܢ̈ܝܗܘܢ ܘܒܢ̈ܬܗܘܢ ܘܐܦ ܫܒܝܬܐ ܣܓܝ ܒܙܘ ܡܢܗܘܢ ܘܐܝܬܝܘܗ̇ ܠܫܒܝܬܐ ܠܫܡܪܝܢ |
| 9 וְשָׁם הָיָה נָבִיא לַֽיהֹוָה עֹדֵד שְׁמוֹ וַיֵּצֵא לִפְנֵי הַצָּבָא הַבָּא לְשֹׁמְרוֹן וַיֹּאמֶר לָהֶם הִנֵּה בַּחֲמַת יְהֹוָה אֱלֹהֵֽי־אֲבוֹתֵיכֶם עַל־יְהוּדָה נְתָנָם בְּיֶדְכֶם וַתַּהַרְגוּ־בָם בְּזַעַף עַד לַשָּׁמַיִם הִגִּֽיעַ׃ | 9 ܘܬܡܢ ܗܘܐ ܢܒܝܐ ܕܡܪܝܐ ܥܕܘ ܫܡܗ ܘܢܦܩ ܩܕܡ ܚܝܠܐ ܕܐܬܐ ܠܫܡܪܝܢ ܘܐܡܪ ܡܛܠ ܕܪܓܙ ܡܪܝܐ ܐܠܗܐ ܕܐܒܗ̈ܬܗܘܢ ܥܠ ܕܒܝܬ ܝܗܘܕܐ ܘܐܫܠܡ ܐܢܘܢ ܒܐ̈ܝܕܝܟܘܢ ܘܚܪܒܬܘܢ ܐܢܘܢ ܘܠܐ ܚܣܬܘܢ ܥܠܝܗܘܢ |
| 10 וְעַתָּה בְּנֵֽי־יְהוּדָה וִירוּשָׁלִַם אַתֶּם אֹֽמְרִים לִכְבֹּשׁ לַעֲבָדִים וְלִשְׁפָחוֹת לָכֶם הֲלֹא רַק־אַתֶּם עִמָּכֶם אֲשָׁמוֹת לַיהֹוָה אֱלֹהֵיכֶֽם׃ | 10 ܘܐܦ ܗܫܐ ܟ̇ܬܫܝܢ ܐܢܬܘܢ ܕܢܗܘܘܢ ܠܟܘܢ ܥܒ̣̈ܕܐ ܘܐܡܗ̈ܬܐ ܐܦ ܗܫܐ ܐܢܬܘܢ ܝܕ̇ܥܝܬܘܢ ܕܚܛܝܬܐ ܗܕܐ ܩܕܡ ܡܪܝܐ ܐܠܗܟܘܢ ܚܛܝܬܘܢ |
| 11 וְעַתָּה שְׁמָעוּנִי וְהָשִׁיבוּ הַשִּׁבְיָה אֲשֶׁר שְׁבִיתֶם מֵאֲחֵיכֶם כִּי חֲרוֹן אַף־יְהֹוָה עֲלֵיכֶֽם׃ | 11 ܘܐܦ ܗܫܐ ܫܘܡܥܘܢܝ ܘܐܗܦܟܘ ܫܒܝܬܐ ܕܫܒܝܬܘܢ ܡܢ ܐܚ̈ܝܟܘܢ ܕܠܡܐ ܕܝܢ ܬܣܩ ܚܡܬܗ ܕܡܪܝܐ ܥܠܝܟܘܢ |
| 12 וַיָּקֻמוּ אֲנָשִׁים מֵרָאשֵׁי בְנֵֽי־אֶפְרַיִם עֲזַרְיָהוּ בֶן־יְהֽוֹחָנָן בֶּרֶכְיָהוּ בֶן־מְשִׁלֵּמוֹת וִֽיחִזְקִיָּהוּ בֶּן־שַׁלֻּם וַעֲמָשָׂא בֶּן־חַדְלָי עַל־הַבָּאִים מִן־הַצָּבָֽא׃ | 12 ܘܩܡܘ ܓܒܪ̈ܐ ܡܢ ܪ̈ܫܐ ܕܒܝܬ ܐܦܪܝܡ ܥܙܪܝܐ ܒܪ ܝܘܚܢܐ ܘܒܪܟܝܐ ܒܪ ܡܩܪܝܐ |
| 13 וַיֹּאמְרוּ לָהֶם לֹֽא־תָבִיאוּ אֶת־הַשִּׁבְיָה הֵנָּה כִּי לְאַשְׁמַת יְהֹוָה עָלֵינוּ אַתֶּם אֹֽמְרִים לְהֹסִיף עַל־חַטֹּאתֵנוּ וְעַל־אַשְׁמָתֵנוּ כִּֽי־רַבָּה אַשְׁמָה לָנוּ וַחֲרוֹן אָף עַל־יִשְׂרָאֵֽל׃ | 13 ܘܐܡ̇ܪܝܢ ܠܗܘܢ ܕܠܐ ܬܥܠܘܢ ܫܒܝܬܐ ܗܕܐ ܠܗܪܟܐ ܡܛܠ ܕܠܐ ܢܚܛܐ ܬܘܒ ܩܕܡ ܡܪܝܐ ܐܠܗܢ ܘܐܢܬܘܢ ܐܡ̇ܪܝܢ ܢܘܣܦ ܥܠ ܚ̈ܘܒܝܢ ܘܥܠ ܚܛܗ̈ܝܢ ܡܛܠ ܕܣܓܝܐ̈ܝܢ ܐܢܘܢ ܛܒ |
| 14 וַיַּעֲזֹב הֶחָלוּץ אֶת־הַשִּׁבְיָה וְאֶת־הַבִּזָּה לִפְנֵי הַשָּׂרִים וְכׇל־הַקָּהָֽל׃ | |
| 15 וַיָּקֻמוּ הָאֲנָשִׁים אֲשֶׁר־נִקְּבוּ בְשֵׁמוֹת וַיַּחֲזִיקוּ בַשִּׁבְיָה וְכׇֽל־מַעֲרֻמֵּיהֶם הִלְבִּישׁוּ מִן־הַשָּׁלָל וַיַּלְבִּשֻׁם וַיַּנְעִלוּם וַיַּאֲכִלוּם וַיַּשְׁקוּם וַיְסֻכוּם וַיְנַהֲלוּם בַּֽחֲמֹרִים לְכׇל־כּוֹשֵׁל וַיְבִיאוּם יְרֵחוֹ עִיר־הַתְּמָרִים אֵצֶל אֲחֵיהֶם וַיָּשׁוּבוּ שֹׁמְרֽוֹן׃ | 15 ܘܐܗܦܟܘܗ̇ ܟܠܗ̇ ܫܒܝܬܐ ܠܐܘܪܫܠܡ |
| 16 בָּעֵת הַהִיא שָׁלַח הַמֶּלֶךְ אָחָז עַל־מַלְכֵי אַשּׁוּר לַעְזֹר לֽוֹ׃ | 16 ܒܗ ܒܙܒܢܐ ܗ̇ܘ ܫܕܪ ܡܠܟܐ ܐܚܙ ܠܘܬ ܡܠܟܐ ܕܐܬܘܪ ܠܡܐܬܐ ܠܡܥܕܪܘܬܗ |
| 17 וְעוֹד אֲדוֹמִים בָּאוּ וַיַּכּוּ בִיהוּדָה וַיִּשְׁבּוּ־שֶֽׁבִי׃ | 17 ܘܥܕܡܐ ܠܗܫܐ ܐܕܘܡ̈ܝܐ ܐܬܘ ܘܚܪܒܘ ܒܕܒܝܬ ܝܗܘܕܐ ܘܫܒܘ ܡܢܗܘܢ ܫܒܝܬܐ |
| 18 וּפְלִשְׁתִּים פָּֽשְׁטוּ בְּעָרֵי הַשְּׁפֵלָה וְהַנֶּגֶב לִֽיהוּדָה וַֽיִּלְכְּדוּ אֶת־בֵּֽית־שֶׁמֶשׁ וְאֶת־אַיָּלוֹן וְאֶת־הַגְּדֵרוֹת וְאֶת־שׂוֹכוֹ וּבְנוֹתֶיהָ וְאֶת־תִּמְנָה וּבְנוֹתֶיהָ וְאֶת־גִּמְזוֹ וְאֶת־בְּנֹתֶיהָ וַיֵּשְׁבוּ שָֽׁם׃ | 18 ܘܦܠܫ̈ܬܝܐ ܐܬܘ ܘܫܪܘ ܥܠ ܩܘܪ̈ܝܐ ܕܦܩܥܬܐ ܘܥܠ ܩܘܪ̈ܝܐ ܬܝܡܢ̈ܝܬܐ ܕܒܝܬ ܝܗܘܕܐ ܘܐܚܕܘ ܠܒܝܬ ܫܡܫ ܩܪܝܬܐ ܘܠܐܝܠܘܢ ܩܪܝܬܐ ܘܠܙܥܪܘܬ ܩܪܝܬܐ ܘܠܫܘܒܝ ܘܠܡܐ̈ܟܠܬܗ̇ ܘܠܬܩܢܐ ܘܠܡܐ̈ܟܠܬܗ̇ ܘܠܓܪܡ ܘܠܡܐ̈ܟܠܬܗ̇ |
| 19 כִּֽי־הִכְנִיעַ יְהֹוָה אֶת־יְהוּדָה בַּעֲבוּר אָחָז מֶלֶךְ־יִשְׂרָאֵל כִּי הִפְרִיעַ בִּֽיהוּדָה וּמָעוֹל מַעַל בַּיהֹוָֽה׃ | 19 ܡܛܠ ܕܬܒܪ ܡܪܝܐ ܠܕܒܝܬ ܝܗܘܕܐ ܡܛܠ ܚܛܗ̈ܘܗܝ ܕܐܚܙ ܡܠܟܐ ܕܝܗܘܕܐ ܕܣܓܝܘ ܒܒܝܬ ܝܗܘܕܐ ܘܟܕܒ ܟܕܒܘܬܐ ܒܡܪܝܐ ܐܠܗܗ |
| 20 וַיָּבֹא עָלָיו תִּלְּגַת פִּלְנְאֶסֶר מֶלֶךְ אַשּׁוּר וַיָּצַר לוֹ וְלֹא חֲזָקֽוֹ׃ | 20 ܘܐܬܐ ܥܠܘܗܝ ܬܓܠܬܦܠܣܪ ܡܠܟܐ ܕܐܬܘܪ ܘܫܪܐ ܥܠܘܗܝ ܘܐܠܨܗ ܐܘܠܨܢܐ ܪܒܐ |
| 21 כִּֽי־חָלַק אָחָז אֶת־בֵּית יְהֹוָה וְאֶת־בֵּית הַמֶּלֶךְ וְהַשָּׂרִים וַיִּתֵּן לְמֶלֶךְ אַשּׁוּר וְלֹא לְעֶזְרָה לֽוֹ׃ | 21 ܘܫܩܠ ܡܠܟܐ ܐܚܙ ܡܐ̈ܢܐ ܕܐܝܬ ܒܒܝܬܗ ܕܡܪܝܐ ܘܡ̈ܐܢܐ ܕܗܘܘ ܒܒܝܬ ܡ̈ܠܟܐ ܩܕܡ̈ܝܐ ܘܒ̈ܒܬܐ ܕܥܬܝܪ̈ܐ ܘܝܗܒ ܠܡܠܟܐ ܕܐܬܘܪ ܕܠܐ ܢܗܪܝܘܗܝ ܒܙܒܢܐ ܕܐܘܠܨܢܗ |
| 22 וּבְעֵת הָצֵר לוֹ וַיּוֹסֶף לִמְעוֹל בַּֽיהֹוָה הוּא הַמֶּלֶךְ אָחָֽז׃ | 22 ܘܐܘܣܦܘ ܠܡܟܕܒܘ ܒܡܪܝܐ ܟܕܒܘܬܐ ܗܘ ܡܠܟܐ ܐܚܙ |
| 23 וַיִּזְבַּח לֵאלֹהֵי דַרְמֶשֶׂק הַמַּכִּים בּוֹ וַיֹּאמֶר כִּי אֱלֹהֵי מַלְכֵֽי־אֲרָם הֵם מַעְזְרִים אֹתָם לָהֶם אֲזַבֵּחַ וְיַעְזְרוּנִי וְהֵם הָיוּ־לוֹ לְהַכְשִׁילוֹ וּלְכׇל־יִשְׂרָאֵֽל׃ | 23 ܘܕܒܚ ܠܐܠܗ̈ܝ ܕܪܡܣܘܩ ܘܐܡܪ ܠܗܘܢ ܐܢܬܘܢ ܐܢܘܢ ܐܠܗ̈ܝ ܘܡܪ̈ܝ ܠܟܘܢ ܕܚ̇ܠ ܐܢܐ ܘܠܟܘܢ ܡܕܒܚܢܐ ܗܘ ܗܘܐ ܬܘܩܠܬܐ ܠܝܗܘܕܐ ܘܐܚܛܝ ܢܦܫܗ ܘܐܚܛܝ ܠܟܘܠܗ ܥܡܐ ܕܝܗܘܕܐ |
| 24 וַיֶּאֱסֹף אָחָז אֶת־כְּלֵי בֵית־הָאֱלֹהִים וַיְקַצֵּץ אֶת־כְּלֵי בֵית־הָאֱלֹהִים וַיִּסְגֹּר אֶת־דַּלְתוֹת בֵּית־יְהֹוָה וַיַּעַשׂ לוֹ מִזְבְּחוֹת בְּכָל־פִּנָּה בִּירוּשָׁלִָֽם׃ | 24 ܘܟܢܫ ܐܚܙ ܠܟܠܗܘܢ ܡܐ̈ܢܐ ܕܐܝܬ ܗܘܘ ܒܒܝܬܗ ܕܡܪܝܐ ܘܩܨܨ ܡܐ̈ܢܐ ܕܐܝܬ ܗܘܘ ܒܒܝܬܗ ܕܡܪܝܐ ܘܐܚܕ ܬܪ̈ܥܐ ܓ̈ܘܝܐ ܘܒܪ̈ܝܐ ܕܐܝܬ ܗܘܘ ܒܒܝܬܗ ܕܡܪܝܐ ܘܥܒܕ ܠܗ ܡܕܒ̈ܚܐ ܒܟܠ ܙܘܝ̈ܬܐ ܕܐܝܬ ܒܐܘܪܫܠܡ |
| 25 וּבְכׇל־עִיר וָעִיר לִֽיהוּדָה עָשָׂה בָמוֹת לְקַטֵּר לֵאלֹהִים אֲחֵרִים וַיַּכְעֵס אֶת־יְהֹוָה אֱלֹהֵי אֲבֹתָֽיו׃ | 25 ܘܒܟܠ ܩܪܐ ܘܩܪܐ ܕܐܝܬ ܒܝܬ ܝܗܘܕܐ ܘܥܒܕ ܗܘܐ ܡܕܒܚ̈ܐ ܠܡܦܠܚ ܠܐܠܗ̈ܐ ܐܚܪ̈ܢܐ |
| 26 וְיֶתֶר דְּבָרָיו וְכׇל־דְּרָכָיו הָרִאשֹׁנִים וְהָאַחֲרוֹנִים הִנָּם כְּתוּבִים עַל־סֵפֶר מַלְכֵֽי־יְהוּדָה וְיִשְׂרָאֵֽל׃ | 26 ܘܫܪܟܐ ܕܦܬܓ̈ܡܘܗܝ ܕܐܚܙ ܘܟܠܗܝܢ ܐܘܪ̈ܚܬܗ ܩܕܡܝ̈ܬܐ ܘܐܚܪ̈ܝܬܐ ܗܐ ܗܢܘܢ ܟܬܝܒܝܢ ܥܠ ܣ̣ܦܪܐ ܕܡܠܟ̈ܐ ܕܝܗܘܕܐ ܘܕܝܣܪܝܠ |
| 27 וַיִּשְׁכַּב אָחָז עִם־אֲבֹתָיו וַֽיִּקְבְּרֻהוּ בָעִיר בִּירוּשָׁלִַם כִּי לֹא הֱבִיאֻהוּ לְקִבְרֵי מַלְכֵי יִשְׂרָאֵל וַיִּמְלֹךְ יְחִזְקִיָּהוּ בְנוֹ תַּחְתָּֽיו׃ | 27 ܘܫܟܒ ܐܚܙ ܥܡ ܐܒܗ̈ܬܗ ܘܩܒܪܘܗܝ ܒܐܘܪܫܠܡ ܡܛܠ ܕܠܐ ܐܘܒܠܘܗܝ ܠܩܒܪ̈ܐ ܕܡܠܟ̈ܐ ܕܝܗܘܕܐ ܘܐܡܠܟ ܚܙܩܝܐ ܒܪܗ ܒܬܪܗ |
