Osea 3
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Et dixit Dominus ad me: “ Adhuc vade, dilige mulierem dilectam amico etadulteram, sicut diligit Dominus filios Israel, et ipsi respectant ad deosalienos et diligunt placentas uvarum ”. | 1 Et dixit Dominus ad me : Adhuc vade, et dilige mulierem dilectam amico et adulteram, sicut diligit Dominus filios Israël, et ipsi respiciunt ad deos alienos, et diligunt vinacia uvarum. |
2 Et emi eam mihi quindecim argenteis et choro hordei et dimidio choro hordei. | 2 Et fodi eam mihi quindecim argenteis, et coro hordei, et dimidio coro hordæi. |
3 Et dixi ad eam: “ Dies multos exspectabis me; non fornicaberis et non erisviro, neque ibo ego ad te ”. | 3 Et dixi ad eam : Dies multos exspectabis me ; non fornicaberis, et non eris viro ; sed et ego exspectabo te. |
4 Quia dies multos sedebunt filii Israel sinerege et sine principe et sine sacrificio et sine lapide et sine ephod et sinetheraphim. | 4 Quia dies multos sedebunt filii Israël sine rege, et sine principe, et sine sacrificio, et sine altari, et sine ephod, et sine theraphim. |
5 Et post haec revertentur filii Israel et quaerent Dominum Deum suumet David regem suum et pavebunt ad Dominum et ad bonum eius in fine dierum. | 5 Et post hæc revertentur filii Israël, et quærent Dominum Deum suum, et David regem suum : et pavebunt ad Dominum, et ad bonum ejus, in novissimo dierum. |