Giobbe 39
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Numquid nosti tempus partus ibicum in petris vel parturientes cervas observasti? | 1 Numquid nosti tempus partus ibicum in petris, vel parturientes cervas observasti ? |
2 Dinumerasti menses conceptus earum et scisti tempus partus earum? | 2 Dinumerasti menses conceptus earum, et scisti tempus partus earum ? |
3 Incurvantur ad fetum et pariunt et fetus suos emittunt. | 3 Incurvantur ad fœtum, et pariunt, et rugitus emittunt. |
4 Impinguantur filii earum et adolescunt in campo, egrediuntur et non revertuntur ad eas. | 4 Separantur filii earum, et pergunt ad pastum : egrediuntur, et non revertuntur ad eas. |
5 Quis dimisit onagrum liberum, et vincula ipsius quis solvit? | 5 Quis dimisit onagrum liberum, et vincula ejus quis solvit ? |
6 Cui dedi in solitudine domum et tabernacula eius in terra salsuginis. | 6 cui dedi in solitudine domum, et tabernacula ejus in terra salsuginis. |
7 Contemnit multitudinem civitatis, clamorem exactoris non audit. | 7 Contemnit multitudinem civitatis : clamorem exactoris non audit. |
8 Explorat montes pascuae suae et virentia quaeque perquirit. | 8 Circumspicit montes pascuæ suæ, et virentia quæque perquirit. |
9 Numquid volet taurus ferus servire tibi aut morabitur ad praesepe tuum? | 9 Numquid volet rhinoceros servire tibi, aut morabitur ad præsepe tuum ? |
10 Numquid alligabis taurum ferum ad arandum loro tuo, aut confringet glebas vallium post te? | 10 Numquid alligabis rhinocerota ad arandum loro tuo, aut confringet glebas vallium post te ? |
11 Numquid fiduciam habebis in magna fortitudine eius et derelinques ei labores tuos? | 11 Numquid fiduciam habebis in magna fortitudine ejus, et derelinques ei labores tuos ? |
12 Numquid credes illi quod revertatur et sementem in aream tuam congreget? | 12 Numquid credes illi quod sementem reddat tibi, et aream tuam congreget ? |
13 Ala struthionis laeta est, penna vero ciconiae et avolat. | 13 Penna struthionis similis est pennis herodii et accipitris. |
14 Quando derelinquit ova sua in terra, in pulvere calefiunt. | 14 Quando derelinquit ova sua in terra, tu forsitan in pulvere calefacies ea ? |
15 Obliviscitur quod pes conculcet ea, aut bestia agri conterat. | 15 Obliviscitur quod pes conculcet ea, aut bestia agri conterat. |
16 Duratur ad filios suos quasi non sint sui; frustra laborans nullo timore anxiatur. | 16 Duratur ad filios suos, quasi non sint sui : frustra laboravit, nullo timore cogente. |
17 Privavit enim eam Deus sapientia nec dedit illi intellegentiam. | 17 Privavit enim eam Deus sapientia, nec dedit illi intelligentiam. |
18 Cum tempus fuerit, in altum alas erigit, deridet equum et ascensorem eius. | 18 Cum tempus fuerit, in altum alas erigit : deridet equum et ascensorem ejus. |
19 Numquid praebebis equo fortitudinem aut circumdabis collo eius iubam? | 19 Numquid præbebis equo fortitudinem, aut circumdabis collo ejus hinnitum ? |
20 Numquid suscitabis eum quasi locustas? Gloria hinnitus eius terror; | 20 Numquid suscitabis eum quasi locustas ? gloria narium ejus terror. |
21 vallem ungula fodit, exsultat audacter, in occursum pergit armatis. | 21 Terram ungula fodit ; exultat audacter : in occursum pergit armatis. |
22 Contemnit pavorem nec territur neque cedit gladio. | 22 Contemnit pavorem, nec cedit gladio. |
23 Super ipsum sonabit pharetra, micat hasta et acinaces. | 23 Super ipsum sonabit pharetra ; vibrabit hasta et clypeus : |
24 Fervens et fremens sorbet terram nec consistet, cum tubae sonaverit clangor. | 24 fervens et fremens sorbet terram, nec reputat tubæ sonare clangorem. |
25 Ubi audierit bucinam, dicit: “Uah!”. Procul odoratur bellum, exhortationem ducum et ululatum exercitus. | 25 Ubi audierit buccinam, dicit : Vah ! procul odoratur bellum : exhortationem ducum, et ululatum exercitus. |
26 Numquid per sapientiam tuam plumescit accipiter, expandens alas suas ad austrum? | 26 Numquid per sapientiam tuam plumescit accipiter, expandens alas suas ad austrum ? |
27 Numquid ad praeceptum tuum elevabitur aquila et in arduis ponet nidum suum? | 27 Numquid ad præceptum tuum elevabitur aquila, et in arduis ponet nidum suum ? |
28 In petris manet et in praeruptis silicibus commoratur atque in culmine et arce. | 28 In petris manet, et in præruptis silicibus commoratur, atque inaccessis rupibus. |
29 Inde contemplatur escam, et de longe oculi eius prospiciunt. | 29 Inde contemplatur escam, et de longe oculi ejus prospiciunt. |
30 Pulli eius lambent sanguinem; et, ubicumque cadaver fuerit, statim adest ”. | 30 Pulli ejus lambent sanguinem : et ubicumque cadaver fuerit, statim adest. |
31 Et adjecit Dominus, et locutus est ad Job : | |
32 Numquid qui contendit cum Deo, tam facile conquiescit ? utique qui arguit Deum, debet respondere ei. | |
33 Respondens autem Job Domino, dixit : | |
34 Qui leviter locutus sum, respondere quid possum ? manum meam ponam super os meum. | |
35 Unum locutus sum, quod utinam non dixissem : et alterum, quibus ultra non addam. |