ΠΑΡΟΙΜΙΑΙ - Proverbi - Proverbs 27

¹ αυται αι παιδειαι σαλωμωντος αι αδιακριτοι ας εξεγραψαντο οι φιλοι εζεκιου του βασιλεως της ιουδαιας

² δοξα θεου κρυπτει λογον δοξα δε βασιλεως τιμα πραγματα

³ ουρανος υψηλος γη δε βαθεια καρδια δε βασιλεως ανεξελεγκτος

⁴ τυπτε αδοκιμον αργυριον και καθαρισθησεται καθαρον απαν

⁵ κτεινε ασεβεις εκ προσωπου βασιλεως και κατορθωσει εν δικαιοσυνη ο θρονος αυτου

⁶ μη αλαζονευου ενωπιον βασιλεως μηδε εν τοποις δυναστων υφιστασο

⁷ κρεισσον γαρ σοι το ρηθηναι αναβαινε προς με η ταπεινωσαι σε εν προσωπω δυναστου α ειδον οι οφθαλμοι σου λεγε

⁸ μη προσπιπτε εις μαχην ταχεως ινα μη μεταμεληθης επ' εσχατων ηνικα αν σε ονειδιση ο σος φιλος

⁹ αναχωρει εις τα οπισω μη καταφρονει

¹⁰ μη σε ονειδιση μεν ο φιλος η δε μαχη σου και η εχθρα ουκ απεσται αλλ' εσται σοι ιση θανατω [10α] χαρις και φιλια ελευθεροι ας τηρησον σεαυτω ινα μη επονειδιστος γενη αλλα φυλαξον τας οδους σου ευσυναλλακτως

¹¹ μηλον χρυσουν εν ορμισκω σαρδιου ουτως ειπειν λογον

¹² εις ενωτιον χρυσουν σαρδιον πολυτελες δεδεται λογος σοφος εις ευηκοον ους

¹³ ωσπερ εξοδος χιονος εν αμητω κατα καυμα ωφελει ουτως αγγελος πιστος τους αποστειλαντας αυτον ψυχας γαρ των αυτω χρωμενων ωφελει

¹⁴ ωσπερ ανεμοι και νεφη και υετοι επιφανεστατοι ουτως οι καυχωμενοι επι δοσει ψευδει

¹⁵ εν μακροθυμια ευοδια βασιλευσιν γλωσσα δε μαλακη συντριβει οστα

¹⁶ μελι ευρων φαγε το ικανον μηποτε πλησθεις εξεμεσης

¹⁷ σπανιον εισαγε σον ποδα προς τον σεαυτου φιλον μηποτε πλησθεις σου μισηση σε

¹⁸ ροπαλον και μαχαιρα και τοξευμα ακιδωτον ουτως και ανηρ ο καταμαρτυρων του φιλου αυτου μαρτυριαν ψευδη

¹⁹ οδους κακου και πους παρανομου ολειται εν ημερα κακη

²⁰ ωσπερ οξος ελκει ασυμφορον ουτως προσπεσον παθος εν σωματι καρδιαν λυπει [20α] ωσπερ σης ιματιω και σκωληξ ξυλω ουτως λυπη ανδρος βλαπτει καρδιαν

²¹ εαν πεινα ο εχθρος σου τρεφε αυτον εαν διψα ποτιζε αυτον

²² τουτο γαρ ποιων ανθρακας πυρος σωρευσεις επι την κεφαλην αυτου ο δε κυριος ανταποδωσει σοι αγαθα

²³ ανεμος βορεας εξεγειρει νεφη προσωπον δε αναιδες γλωσσαν ερεθιζει

²⁴ κρειττον οικειν επι γωνιας δωματος η μετα γυναικος λοιδορου εν οικια κοινη

²⁵ ωσπερ υδωρ ψυχρον ψυχη διψωση προσηνες ουτως αγγελια αγαθη εκ γης μακροθεν

²⁶ ωσπερ ει τις πηγην φρασσοι και υδατος εξοδον λυμαινοιτο ουτως ακοσμον δικαιον πεπτωκεναι ενωπιον ασεβους

²⁷ εσθιειν μελι πολυ ου καλον τιμαν δε χρη λογους ενδοξους

²⁸ ωσπερ πολις τα τειχη καταβεβλημενη και ατειχιστος ουτως ανηρ ος ου μετα βουλης τι πρασσει