ΙΩΒ - Giobbe - Job 12

¹ υπολαβων δε ιωβ λεγει

² ειτα υμεις εστε ανθρωποι η μεθ' υμων τελευτησει σοφια

³ καμοι μεν καρδια καθ' υμας εστιν

⁴ δικαιος γαρ ανηρ και αμεμπτος εγενηθη εις χλευασμα

⁵ εις χρονον γαρ τακτον ητοιμαστο πεσειν υπο αλλους οικους τε αυτου εκπορθεισθαι υπο ανομων

⁶ ου μην δε αλλα μηδεις πεποιθετω πονηρος ων αθωος εσεσθαι οσοι παροργιζουσιν τον κυριον ως ουχι και ετασις αυτων εσται

⁷ αλλα δη επερωτησον τετραποδα εαν σοι ειπωσιν πετεινα δε ουρανου εαν σοι απαγγειλωσιν

⁸ εκδιηγησαι δε γη εαν σοι φραση και εξηγησονται σοι οι ιχθυες της θαλασσης

⁹ τις ουκ εγνω εν πασι τουτοις οτι χειρ κυριου εποιησεν ταυτα

¹⁰ ει μη εν χειρι αυτου ψυχη παντων των ζωντων και πνευμα παντος ανθρωπου

¹¹ ους μεν γαρ ρηματα διακρινει λαρυγξ δε σιτα γευεται

¹² εν πολλω χρονω σοφια εν δε πολλω βιω επιστημη

¹³ παρ' αυτω σοφια και δυναμις αυτω βουλη και συνεσις

¹⁴ εαν καταβαλη τις οικοδομησει εαν κλειση κατα ανθρωπων τις ανοιξει

¹⁵ εαν κωλυση το ωδωρ ξηρανει την γην εαν δε επαφη απωλεσεν αυτην καταστρεψας

¹⁶ παρ' αυτω κρατος και ισχυς αυτω επιστημη και συνεσις

¹⁷ διαγων βουλευτας αιχμαλωτους κριτας δε γης εξεστησεν

¹⁸ καθιζανων βασιλεις επι θρονους και περιεδησεν ζωνη οσφυας αυτων

¹⁹ εξαποστελλων ιερεις αιχμαλωτους δυναστας δε γης κατεστρεψεν

²⁰ διαλλασσων χειλη πιστων συνεσιν δε πρεσβυτερων εγνω

²¹ εκχεων ατιμιαν επ' αρχοντας ταπεινους δε ιασατο

²² ανακαλυπτων βαθεα εκ σκοτους εξηγαγεν δε εις φως σκιαν θανατου

²³ πλανων εθνη και απολλυων αυτα καταστρωννυων εθνη και καθοδηγων αυτα

²⁴ διαλλασσων καρδιας αρχοντων γης επλανησεν δε αυτους οδω η ουκ ηδεισαν

²⁵ ψηλαφησαισαν σκοτος και μη φως πλανηθειησαν δε ωσπερ ο μεθυων