Ecclesiasticus 30
123456789101112131415161718192021222324252627282930313233343536373839404142434445464748495051
Gen
Ex
Lv
Nm
Deut
Ios
Iudc
Ruth
1 Re
2 Re
3 Re
4 Re
1 Par
2 Par
Esd
Neh
Tob
Iudt
Esth
1 Mach
2 Mach
Iob
Ps
Prov
Eccle
Cant
Sap
Eccli
Isa
Ier
Lam
Bar
Ez
Dan
Os
Ioel
Am
Abd
Ion
Mi
Nah
Hab
Soph
Agg
Zach
Mal
Mt
Mc
Lc
Io
Act
Rom
1Cor
2Cor
Gal
Eph
Phil
Col
1 Thess
2 Thess
1 Tim
2 Tim
Tit
Philem
Hebr
Iac
1 Pt
2 Pt
1 Io
2 Io
3 Io
Iud
Apoc
Confronta con un'altra Bibbia
Cambia Bibbia
VULGATA | NOVA VULGATA |
---|---|
1 Qui diligit filium suum assiduat illi flagella, ut lætetur in novissimo suo, et non palpet proximorum ostia. | 1 De filiis. Qui diligit filium suum, assi duat illi flagella, ut laetetur in novissimo suo. |
2 Qui docet filium suum laudabitur in illo, et in medio domesticorum in illo gloriabitur. | 2 Qui docet filium suum, fructum habebit in illo et in medio domesticorum in illo gloriabitur. |
3 Qui docet filium suum in zelum mittit inimicum, et in medio amicorum gloriabitur in illo. | 3 Qui docet filium suum, in zelum mittet inimicum et in medio amicorum gloriabitur in illo. |
4 Mortuus est pater ejus, et quasi non est mortuus : similem enim reliquit sibi post se. | 4 Mortuus est pater eius et quasi non est mortuus: similem enim reliquit sibi post se. |
5 In vita sua vidit, et lætatus est in illo : in obitu suo non est contristatus, nec confusus est coram inimicis : | 5 In vita sua vidit et laetatus est in illo, in obitu suo non est contristatus. Nec confusus est coram inimicis: |
6 reliquit enim defensorem domus contra inimicos, et amicis reddentem gratiam. | 6 reliquit enim defensorem domus contra inimicos et amicis reddentem gratiam. |
7 Pro animabus filiorum colligabit vulnera sua, et super omnem vocem turbabuntur viscera ejus. | 7 Qui blanditur filio, colligabit vulnera eius, et super omnem vocem turbabuntur viscera sua. |
8 Equus indomitus evadit durus, et filius remissus evadet præceps. | 8 Equus indomitus evadit durus, et filius remissus evadet praeceps. |
9 Lacta filium, et paventem te faciet : lude cum eo, et contristabit te. | 9 Lacta filium, et paventem te faciet; lude cum eo, et contristabit te. |
10 Non corrideas illi, ne doleas, et in novissimo obstupescent dentes tui. | 10 Non corrideas illi, ne doleas, et in novissimo obstupescent dentes tui. |
11 Non des illi potestatem in juventute, et ne despicias cogitatus illius. | 11 Non des illi potestatem in iuventute et ne despicias errata illius. |
12 Curva cervicem ejus in juventute, et tunde latera ejus dum infans est, ne forte induret, et non credat tibi, et erit tibi dolor animæ. | 12 Curva cervicem eius in iuventute et tunde latera eius, dum infans est, ne forte induret et non credat tibi, et erit tibi ab illo dolor animae. |
13 Doce filium tuum, et operare in illo, ne in turpitudinem illius offendas. | 13 Doce filium tuum et operare in illo, ne in turpitudinem illius offendas. |
14 Melior est pauper sanus, et fortis viribus, quam dives imbecillis et flagellatus malitia. | 14 Melior est pauper sanus et fortis viribus quam dives imbecillis et flagellatus in carne sua. |
15 Salus animæ in sanctitate justitiæ melior est omni auro et argento : et corpus validum quam census immensus. | 15 Salus carnis melior est omni auro et argento, et spiritus validus quam census immensus. |
16 Non est census super censum salutis corporis, et non est oblectamentum super cordis gaudium. | 16 Non est census super censum salutis corporis, et non est oblectatio super cordis gaudium. |
17 Melior est mors quam vita amara, et requies æterna quam languor perseverans. | 17 Melior est mors quam vita amara, et requies aeterna quam languor perseverans. |
18 Bona abscondita in ore clauso, quasi appositiones epularum circumpositæ sepulchro. | 18 Bona effusa in ore clauso quasi appositiones epularum circumpositae sepulcro. |
19 Quid proderit libatio idolo ? nec enim manducabit, nec odorabit. | 19 Quid proderit libatio idolo? Nec enim manducabit nec odorabitur: |
20 Sic qui effugatur a Domino, portans mercedes iniquitatis : | 20 sic qui effugatur a Domino portans mercedes iniquitatis, |
21 videns oculis et ingemiscens, sicut spado complectens virginem, et suspirans. | 21 videns oculis et ingemiscens sicut spado complectens virginem et suspirans. |
22 Tristitiam non des animæ tuæ, et non affligas temetipsum in consilio tuo. | 22 Tristitiam non des animae tuae et non affligas temetipsum in consilio tuo. |
23 Jucunditas cordis, hæc est vita hominis, et thesaurus sine defectione sanctitatis : et exsultatio viri est longævitas. | 23 Iucunditas cordis haec est vita hominis et thesaurus sine defectione sanctitatis, et exsultatio viri est longaevitas. |
24 Miserere animæ tuæ placens Deo, et contine : congrega cor tuum in sanctitate ejus, et tristitiam longe repelle a te. | 24 Indulge animae tuae et consolare cor tuum et tristitiam longe repelle a te. |
25 Multos enim occidit tristitia, et non est utilitas in illa. | 25 Multos enim occidit tristitia, et non est utilitas in illa; |
26 Zelus et iracundia minuunt dies, et ante tempus senectam adducet cogitatus. | 26 zelus et iracundia minuunt dies, et ante tempus senectam adducet cogitatus. |
27 Splendidum cor et bonum in epulis est : epulæ enim illius diligenter fiunt. | 27 Splendidum cor et bonum in epulis est; epulae enim illius diligenter fiunt. |