Siracide 49
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Memoria Iosiae in compositionem odoris facta opere pigmentarii; | 1 Memoria Josiæ in compositionem odoris facta opus pigmentarii. |
2 in omni ore quasi mel indulcabitur eius memoria et ut musica in convivio vini. | 2 In omni ore quasi mel indulcabitur ejus memoria, et ut musica in convivio vini. |
3 Ipse est directus divinitus in paenitentia gentis et tulit abominationes impietatis; | 3 Ipse est directus divinitus in p?nitentiam gentis, et tulit abominationes impietatis. |
4 et gubernavit ad Dominum cor suum et in diebus peccatorum corroboravit pietatem. | 4 Et gubernavit ad Dominum cor ipsius, et in diebus peccatorum corroboravit pietatem. |
5 Praeter David et Ezechiam et Iosiam, omnes peccatum commiserunt; | 5 Præter David et Ezechiam et Josiam, omnes peccatum commiserunt : |
6 nam reliquerunt legem Altissimi reges Iudae et contempserunt timorem Dei; | 6 nam reliquerunt legem Altissimi reges Juda, et contempserunt timorem Dei. |
7 dederunt enim regnum suum aliis et gloriam suam alienae genti; | 7 Dederunt enim regnum suum aliis, et gloriam suam alienigenæ genti. |
8 incenderunt electam sanctuarii civitatem et desertas fecerunt vias ipsius in manu Ieremiae. | 8 Incenderunt electam sanctitatis civitatem, et desertas fecerunt vias ipsius in manu Jeremiæ. |
9 Nam male tractaverunt illum, ipse autem a ventre matris consecratus est propheta evertere et eruere et perdere et iterum aedificare et plantare et renovare. | 9 Nam male tractaverunt illum qui a ventre matris consecratus est propheta, evertere, et eruere, et perdere, et iterum ædificare, et renovare : |
10 Ezechiel, qui vidit visionem gloriae, quam ostendit illi in curru cherubim. | 10 Ezechiel, qui vidit conspectum gloriæ quam ostendit illi in curru cherubim. |
11 Nam et commemoratus est inimicorum in imbre et benefacere illis, qui ostenderunt rectas vias. | 11 Nam commemoratus est inimicorum in imbre, benefacere illis qui ostenderunt rectas vias. |
12 Et duodecim prophetarum ossa pullulent de loco suo; nam corroboraverunt Iacob et redemerunt eos in fide virtutis. | 12 Et duodecim prophetarum ossa pullulent de loco suo : nam corroboraverunt Jacob, et redemerunt se in fide virtutis. |
13 Quomodo amplificemus Zorobabel? Nam et ipse quasi signum in dextera manu; | 13 Quomodo amplificemus Zorobabel ? nam et ipse quasi signum in dextera manu : |
14 sic et Iesua filius Iosedec. Qui in diebus suis aedificaverunt domum et exaltaverunt templum sanctum Domino paratum in gloriam sempiternam. | 14 sic et Jesum filium Josedec, qui in diebus suis ædificaverunt domum, et exaltaverunt templum sanctum Domino, paratum in gloriam sempiternam. |
15 Et Nehemias: in memoria multi temporis, qui erexit nobis muros eversos et stare fecit portas et seras; qui erexit domos nostras. | 15 Et Nehemias in memoriam multi temporis, qui erexit nobis muros eversos, et stare fecit portas et seras, qui erexit domos nostras. |
16 Nemo creatus est in terra qualis Henoch; nam et ipse assumptus est a terra. | 16 Nemo natus est in terra qualis Henoch, nam et ipse receptus est a terra : |
17 Neque ut Ioseph natus est homo, princeps fratrum, firmamentum gentis; | 17 neque ut Joseph, qui natus est homo princeps fratrum, firmamentum gentis, rector fratrum, stabilimentum populi : |
18 et ossa ipsius visitata sunt et post mortem prophetaverunt. | 18 et ossa ipsius visitata sunt, et post mortem prophetaverunt. |
19 Seth et Sem apud homines gloriam adepti sunt et super omnem animam in origine Adam. | 19 Seth et Sem apud homines gloriam adepti sunt, et super omnem animam in origine Adam. |