| 1 כשלג בקיץ וכמטר בקציר כן לא נאוה לכסיל כבוד | 1 כַּשֶּׁלֶג ׀ בַּקַּיִץ וְכַמָּטָר בַּקָּצִיר כֵּן לֹא־נָאוֶה לִכְסִיל כָּבֹוד |
| 2 כצפור לנוד כדרור לעוף כן קללת חנם לא תבא | 2 כַּצִּפֹּור לָנוּד כַּדְּרֹור לָעוּף כֵּן קִלְלַת חִנָּם [לֹא כ] (לֹו ק) תָבֹא |
| 3 שוט לסוס מתג לחמור ושבט לגו כסילים | 3 שֹׁוט לַסּוּס מֶתֶג לַחֲמֹור וְשֵׁבֶט לְגֵו כְּסִילִים |
| 4 אל תען כסיל כאולתו פן תשוה לו גם אתה | 4 אַל־תַּעַן כְּסִיל כְּאִוַּלְתֹּו פֶּן־תִּשְׁוֶה־לֹּו גַם־אָתָּה |
| 5 ענה כסיל כאולתו פן יהיה חכם בעיניו | 5 עֲנֵה כְסִיל כְּאִוַּלְתֹּו פֶּן־יִהְיֶה חָכָם בְּעֵינָיו |
| 6 מקצה רגלים חמס שתה שלח דברים ביד כסיל | 6 מְקַצֶּה רַגְלַיִם חָמָס שֹׁתֶה שֹׁלֵחַ דְּבָרִים בְּיַד־כְּסִיל |
| 7 דליו שקים מפסח ומשל בפי כסילים | 7 דַּלְיוּ קַיִם מִפִּסֵּחַ וּמָשָׁל בְּפִי כְסִילִים |
| 8 כצרור אבן במרגמה כן נותן לכסיל כבוד | 8 כִּצְרֹור אֶבֶן בְּמַרְגֵּמָה כֵּן־נֹותֵן לִכְסִיל כָּבֹוד |
| 9 חוח עלה ביד שכור ומשל בפי כסילים | 9 חֹוחַ עָלָה בְיַד־שִׁכֹּור וּמָשָׁל בְּפִי כְסִילִים |
| 10 רב מחולל כל ושכר כסיל ושכר עברים | 10 רַב מְחֹולֵל־כֹּל וְשֹׂכֵר כְּסִיל וְשֹׂכֵר עֹבְרִים |
| 11 ככלב שב על קאו כסיל שונה באולתו | 11 כְּכֶלֶב שָׁב עַל־קֵאֹו כְּסִיל שֹׁונֶה בְאִוַּלְתֹּו |
| 12 ראית איש חכם בעיניו תקוה לכסיל ממנו | 12 רָאִיתָ אִישׁ חָכָם בְּעֵינָיו תִּקְוָה לִכְסִיל מִמֶּנּוּ |
| 13 אמר עצל שחל בדרך ארי בין הרחבות | 13 אָמַר עָצֵל שַׁחַל בַּדָּרֶךְ אֲרִי בֵּין הָרְחֹבֹות |
| 14 הדלת תסוב על צירה ועצל על מטתו | 14 הַדֶּלֶת תִּסֹּוב עַל־צִירָהּ וְעָצֵל עַל־מִטָּתֹו |
| 15 טמן עצל ידו בצלחת נלאה להשיבה אל פיו | 15 טָמַן עָצֵל יָדֹו בַּצַּלָּחַת נִלְאָה לַהֲשִׁיבָהּ אֶל־פִּיו |
| 16 חכם עצל בעיניו משבעה משיבי טעם | 16 חָכָם עָצֵל בְּעֵינָיו מִשִּׁבְעָה מְשִׁיבֵי טָעַם |
| 17 מחזיק באזני כלב עבר מתעבר על ריב לא לו | 17 מַחֲזִיק בְּאָזְנֵי־כָלֶב עֹבֵר מִתְעַבֵּר עַל־רִיב לֹּא־לֹו |
| 18 כמתלהלה הירה זקים חצים ומות | 18 כְּמִתְלַהְלֵהַּ הַיֹּרֶה זִקִּים חִצִּים וָמָוֶת |
| 19 כן איש רמה את רעהו ואמר הלא משחק אני | 19 כֵּן־אִישׁ רִמָּה אֶת־רֵעֵהוּ וְאָמַר הֲלֹא־מְשַׂחֵק אָנִי |
| 20 באפס עצים תכבה אש ובאין נרגן ישתק מדון | 20 בְּאֶפֶס עֵצִים תִּכְבֶּה־אֵשׁ וּבְאֵין נִרְגָּן יִשְׁתֹּק מָדֹון |
| 21 פחם לגחלים ועצים לאש ואיש מדונים לחרחר ריב | 21 פֶּחָם לְגֶחָלִים וְעֵצִים לְאֵשׁ וְאִישׁ [מִדֹונִים כ] (מִדְיָנִים ק) לְחַרְחַר־רִיב׃ פ |
| 22 דברי נרגן כמתלהמים והם ירדו חדרי בטן | 22 דִּבְרֵי נִרְגָּן כְּמִתְלַהֲמִים וְהֵם יָרְדוּ חַדְרֵי־בָטֶן |
| 23 כסף סיגים מצפה על חרש שפתים דלקים ולב רע | 23 כֶּסֶף סִיגִים מְצֻפֶּה עַל־חָרֶשׂ שְׂפָתַיִם דֹּלְקִים וְלֶב־רָע |
| 24 בשפתו ינכר שונא ובקרבו ישית מרמה | 24 [בִּשְׂפָתֹו כ] (בִּשְׂפָתָיו ק) יִנָּכֵר שֹׂונֵא וּבְקִרְבֹּו יָשִׁית מִרְמָה |
| 25 כי יחנן קולו אל תאמן בו כי שבע תועבות בלבו | 25 כִּי־יְחַנֵּן קֹולֹו אַל־תַּאֲמֶן־בֹּו כִּי שֶׁבַע תֹּועֵבֹות בְּלִבֹּו |
| 26 תכסה שנאה במשאון תגלה רעתו בקהל | 26 תִּכַּסֶּה נְאָה בְּמַשָּׁאֹון תִּגָּלֶה רָעָתֹו בְקָהָל |
| 27 כרה שחת בה יפל וגלל אבן אליו תשוב | 27 כֹּרֶהשַּׁ־חַת בָּהּ יִפֹּל וְגֹלֵל אֶבֶן אֵלָיו תָּשׁוּב |
| 28 לשון שקר ישנא דכיו ופה חלק יעשה מדחה | 28 לְשֹׁוןשֶׁ־קֶר יִשְׂנָא דַכָּיו וּפֶה חָלָק יַעֲשֶׂה מִדְחֶה |
