Isaiah (ישעיה) - Isaia 129

MODERN HEBREW BIBLE	STUTTGARTENSIA-DELITZSCH
1 שיר המעלות רבת צררוני מנעורי יאמר נא ישראל	1 שִׁיר הַמַּעֲלֹות רַבַּת צְרָרוּנִי מִנְּעוּרַי יֹאמַר־נָא יִשְׂרָאֵל
2 רבת צררוני מנעורי גם לא יכלו לי	2 רַבַּת צְרָרוּנִי מִנְּעוּרָי גַּם לֹא־יָכְלוּ לִי
3 על גבי חרשו חרשים האריכו למענותם	3 עַל־גַּבִּי חָרְשׁוּ חֹרְשִׁים הֶאֱרִיכוּ [לְמַעֲנֹותָם כ] (לְמַעֲנִיתָם׃ ק)
4 יהוה צדיק קצץ עבות רשעים	4 יְהוָה צַדִּיק קִצֵּץ עֲבֹות רְשָׁעִים
5 יבשו ויסגו אחור כל שנאי ציון	5 יֵבֹשׁוּ וְיִסֹּגוּ אָחֹור כֹּל שֹׂנְאֵי צִיֹּון
6 יהיו כחציר גגות שקדמת שלף יבש	6 יִהְיוּ כַּחֲצִיר גַּגֹּות שֶׁקַּדְמַת שָׁלַף יָבֵשׁ
7 שלא מלא כפו קוצר וחצנו מעמר	7 שֶׁלֹּא מִלֵּא כַפֹּו קֹוצֵר וְחִצְנֹו מְעַמֵּר
8 ולא אמרו העברים ברכת יהוה אליכם ברכנו אתכם בשם יהוה	8 וְלֹא אָמְרוּ ׀ הָעֹבְרִים בִּרְכַּת־יְהוָה אֲלֵיכֶם בֵּרַכְנוּ אֶתְכֶם בְּשֵׁם יְהוָה