Isaiah (ישעיה) - Isaia 145

STUTTGARTENSIA-DELITZSCH	MODERN HEBREW BIBLE
1 תְּהִלָּה לְדָוִד אֲרֹומִמְךָ אֱלֹוהַי הַמֶּלֶךְ וַאֲבָרֲכָה מְךָ לְעֹולָם וָעֶד	1 תהלה לדוד ארוממך אלוהי המלך ואברכה שמך לעולם ועד
2 בְּכָל־יֹום אֲבָרֲכֶךָּ וַאֲהַלְלָה מְךָ לְעֹולָם וָעֶד	2 בכל יום אברכך ואהללה שמך לעולם ועד
3 גָּדֹול יְהוָה וּמְהֻלָּל מְאֹד וְלִגְדֻלָּתֹו אֵין חֵקֶר	3 גדול יהוה ומהלל מאד ולגדלתו אין חקר
4 דֹּור לְדֹור יְשַׁבַּח מַעֲשֶׂיךָ וּגְבוּרֹתֶיךָ יַגִּידוּ	4 דור לדור ישבח מעשיך וגבורתיך יגידו
5 הֲדַר כְּבֹוד הֹודֶךָ וְדִבְרֵי נִפְלְאֹותֶיךָ אָשִׂיחָה	5 הדר כבוד הודך ודברי נפלאותיך אשיחה
6 וֶעֱזוּז נֹורְאֹתֶיךָ יֹאמֵרוּ [וּגְדוּלֹּתֶיךָ כ] (וּגְדוּלָּתְךָ ק) אֲסַפְּרֶנָּה	6 ועזוז נוראתיך יאמרו וגדולתיך אספרנה
7 זֵכֶר רַב־טוּבְךָ יַבִּיעוּ וְצִדְקָתְךָ יְרַנֵּנוּ	7 זכר רב טובך יביעו וצדקתך ירננו
8 חַנּוּן וְרַחוּם יְהוָה אֶרֶךְ אַפַּיִם וּגְדָל־חָסֶד	8 חנון ורחום יהוה ארך אפים וגדל חסד
9 טֹוב־יְהוָה לַכֹּל וְרַחֲמָיו עַל־כָּל־מַעֲשָׂיו	9 טוב יהוה לכל ורחמיו על כל מעשיו
10 יֹודוּךָ יְהוָה כָּל־מַעֲשֶׂיךָ וַחֲסִידֶיךָ יְבָרֲכוּכָה	10 יודוך יהוה כל מעשיך וחסידיך יברכוכה
11 כְּבֹוד מַלְכוּתְךָ יֹאמֵרוּ וּגְבוּרָתְךָ יְדַבֵּרוּ	11 כבוד מלכותך יאמרו וגבורתך ידברו
12 לְהֹודִיעַ ׀ לִבְנֵי הָאָדָם גְּבוּרֹתָיו וּכְבֹוד הֲדַר מַלְכוּתֹו	12 להודיע לבני האדם גבורתיו וכבוד הדר מלכותו
13 מַלְכוּתְךָ מַלְכוּת כָּל־עֹלָמִים וּמֶמְשֶׁלְתְּךָ בְּכָל־דֹּור וָדֹור	13 מלכותך מלכות כל עלמים וממשלתך בכל דור ודור
14 סֹומֵךְ יְהוָה לְכָל־הַנֹּפְלִים וְזֹוקֵף לְכָל־הַכְּפוּפִים	14 סומך יהוה לכל הנפלים וזוקף לכל הכפופים
15 עֵינֵי־כֹל אֵלֶיךָ יְשַׂבֵּרוּ וְאַתָּה נֹותֵן־לָהֶם אֶת־אָכְלָם בְּעִתֹּו	15 עיני כל אליך ישברו ואתה נותן להם את אכלם בעתו
16 פֹּותֵחַ אֶת־יָדֶךָ וּמַשְׂבִּיעַ לְכָל־חַי רָצֹון	16 פותח את ידך ומשביע לכל חי רצון
17 צַדִּיק יְהוָה בְּכָל־דְּרָכָיו וְחָסִיד בְּכָל־מַעֲשָׂיו	17 צדיק יהוה בכל דרכיו וחסיד בכל מעשיו
18 קָרֹוב יְהוָה לְכָל־קֹרְאָיו לְכֹל אֲשֶׁר יִקְרָאֻהוּ בֶאֱמֶת	18 קרוב יהוה לכל קראיו לכל אשר יקראהו באמת
19 רְצֹון־יְרֵאָיו יַעֲשֶׂה וְאֶת־שַׁוְעָתָם יִשְׁמַע וְיֹושִׁיעֵם	19 רצון יראיו יעשה ואת שועתם ישמע ויושיעם
20 שֹׁומֵר יְהוָה אֶת־כָּל־אֹהֲבָיו וְאֵת כָּל־הָרְשָׁעִים יַשְׁמִיד	20 שומר יהוה את כל אהביו ואת כל הרשעים ישמיד
21 תְּהִלַּת יְהוָה יְדַבֶּר־פִּי וִיבָרֵךְ כָּל־בָּשָׂר שֵׁם קָדְשֹׁו לְעֹולָם וָעֶד	21 תהלת יהוה ידבר פי ויברך כל בשר שם קדשו לעולם ועד