ΣΟΦΙΑ ΣΕΙΡΑΧ - Siracide - Sirach 6

¹ -

² μη επαρης σεαυτον εν βουλη ψυχης σου ινα μη διαρπαγη ως ταυρος η ψυχη σου

³ τα φυλλα σου καταφαγεσαι και τους καρπους σου απολεσεις και αφησεις σεαυτον ως ξυλον ξηρον

⁴ ψυχη πονηρα απολει τον κτησαμενον αυτην και επιχαρμα εχθρων ποιησει αυτον

⁵ λαρυγξ γλυκυς πληθυνει φιλους αυτου και γλωσσα ευλαλος πληθυνει ευπροσηγορα

⁶ οι ειρηνευοντες σοι εστωσαν πολλοι οι δε συμβουλοι σου εις απο χιλιων

⁷ ει κτασαι φιλον εν πειρασμω κτησαι αυτον και μη ταχυ εμπιστευσης αυτω

⁸ εστιν γαρ φιλος εν καιρω αυτου και ου μη παραμεινη εν ημερα θλιψεως σου

⁹ και εστιν φιλος μετατιθεμενος εις εχθραν και μαχην ονειδισμου σου αποκαλυψει

¹⁰ και εστιν φιλος κοινωνος τραπεζων και ου μη παραμεινη εν ημερα θλιψεως σου

¹¹ και εν τοις αγαθοις σου εσται ως συ και επι τους οικετας σου παρρησιασεται

¹² εαν ταπεινωθης εσται κατα σου και απο του προσωπου σου κρυβησεται

¹³ απο των εχθρων σου διαχωρισθητι και απο των φιλων σου προσεχε

¹⁴ φιλος πιστος σκεπη κραταια ο δε ευρων αυτον ευρεν θησαυρον

¹⁵ φιλου πιστου ουκ εστιν ανταλλαγμα και ουκ εστιν σταθμος της καλλονης αυτου

¹⁶ φιλος πιστος φαρμακον ζωης και οι φοβουμενοι κυριον ευρησουσιν αυτον

¹⁷ ο φοβουμενος κυριον ευθυνει φιλιαν αυτου οτι κατ' αυτον ουτως και ο πλησιον αυτου

¹⁸ τεκνον εκ νεοτητος σου επιλεξαι παιδειαν και εως πολιων ευρησεις σοφιαν

¹⁹ ως ο αροτριων και ο σπειρων προσελθε αυτη και αναμενε τους αγαθους καρπους αυτης εν γαρ τη εργασια αυτης ολιγον κοπιασεις και ταχυ φαγεσαι των γενηματων αυτης

²⁰ ως τραχεια εστιν σφοδρα τοις απαιδευτοις και ουκ εμμενει εν αυτη ακαρδιος

²¹ ως λιθος δοκιμασιας ισχυρος εσται επ' αυτω και ου χρονιει απορριψαι αυτην

²² σοφια γαρ κατα το ονομα αυτης εστιν και ου πολλοις εστιν φανερα

²³ ακουσον τεκνον και εκδεξαι γνωμην μου και μη απαναινου την συμβουλιαν μου

²⁴ και εισενεγκον τους ποδας σου εις τας πεδας αυτης και εις τον κλοιον αυτης τον τραχηλον σου

²⁵ υποθες τον ωμον σου και βασταξον αυτην και μη προσοχθισης τοις δεσμοις αυτης

²⁶ εν παση ψυχη σου προσελθε αυτη και εν ολη δυναμει σου συντηρησον τας οδους αυτης

²⁷ εξιχνευσον και ζητησον και γνωσθησεται σοι και εγκρατης γενομενος μη αφης αυτην

²⁸ επ' εσχατων γαρ ευρησεις την αναπαυσιν αυτης και στραφησεται σοι εις ευφροσυνην

²⁹ και εσονται σοι αι πεδαι εις σκεπην ισχυος και οι κλοιοι αυτης εις στολην δοξης

³⁰ κοσμος γαρ χρυσεος εστιν επ' αυτης και οι δεσμοι αυτης κλωσμα υακινθινον

³¹ στολην δοξης ενδυση αυτην και στεφανον αγαλλιαματος περιθησεις σεαυτω

³² εαν θελης τεκνον παιδευθηση και εαν επιδως την ψυχην σου πανουργος εση

³³ εαν αγαπησης ακουειν εκδεξη και εαν κλινης το ους σου σοφος εση

³⁴ εν πληθει πρεσβυτερων στηθι και τις σοφος αυτω προσκολληθητι

³⁵ πασαν διηγησιν θειαν θελε ακροασθαι και παροιμιαι συνεσεως μη εκφευγετωσαν σε

³⁶ εαν ιδης συνετον ορθριζε προς αυτον και βαθμους θυρων αυτου εκτριβετω ο πους σου

³⁷ διανοου εν τοις προσταγμασιν κυριου και εν ταις εντολαις αυτου μελετα δια παντος αυτος στηριει την καρδιαν σου και η επιθυμια της σοφιας δοθησεται σοι