ΣΟΦΙΑ ΣΕΙΡΑΧ - Siracide - Sirach 5

¹ μη επεχε επι τοις χρημασιν σου και μη ειπης αυταρκη μοι εστιν

² μη εξακολουθει τη ψυχη σου και τη ισχυι σου πορευεσθαι εν επιθυμιαις καρδιας σου

³ και μη ειπης τις με δυναστευσει ο γαρ κυριος εκδικων εκδικησει

⁴ μη ειπης ημαρτον και τι μοι εγενετο ο γαρ κυριος εστιν μακροθυμος

⁵ περι εξιλασμου μη αφοβος γινου προσθειναι αμαρτιαν εφ' αμαρτιαις

⁶ και μη ειπης ο οικτιρμος αυτου πολυς το πληθος των αμαρτιων μου εξιλασεται ελεος γαρ και οργη παρ' αυτω και επι αμαρτωλους καταπαυσει ο θυμος αυτου

⁷ μη αναμενε επιστρεψαι προς κυριον και μη υπερβαλλου ημεραν εξ ημερας εξαπινα γαρ εξελευσεται οργη κυριου και εν καιρω εκδικησεως εξολη

⁸ μη επεχε επι χρημασιν αδικοις ουδεν γαρ ωφελησει σε εν ημερα επαγωγης

⁹ μη λικμα εν παντι ανεμω και μη πορευου εν παση ατραπω ουτως ο αμαρτωλος ο διγλωσσος

¹⁰ ισθι εστηριγμενος εν συνεσει σου και εις εστω σου ο λογος

¹¹ γινου ταχυς εν ακροασει σου και εν μακροθυμια φθεγγου αποκρισιν

¹² ει εστιν σοι συνεσις αποκριθητι τω πλησιον ει δε μη η χειρ σου εστω επι τω στοματι σου

¹³ δοξα και ατιμια εν λαλια και γλωσσα ανθρωπου πτωσις αυτω

¹⁴ μη κληθης ψιθυρος και τη γλωσση σου μη ενεδρευε επι γαρ τω κλεπτη εστιν αισχυνη και καταγνωσις πονηρα επι διγλωσσου

¹⁵ εν μεγαλω και εν μικρω μη αγνοει και αντι φιλου μη γινου εχθρος ονομα γαρ πονηρον αισχυνην και ονειδος κληρονομησει ουτως ο αμαρτωλος ο διγλωσσος