ΨΑΛΜΟΙ - Salmi - Psalms 148

¹ αλληλουια αγγαιου και ζαχαριου αινειτε τον κυριον εκ των ουρανων αινειτε αυτον εν τοις υψιστοις

² αινειτε αυτον παντες οι αγγελοι αυτου αινειτε αυτον πασαι αι δυναμεις αυτου

³ αινειτε αυτον ηλιος και σεληνη αινειτε αυτον παντα τα αστρα και το φως

⁴ αινειτε αυτον οι ουρανοι των ουρανων και το υδωρ το υπερανω των ουρανων

⁵ αινεσατωσαν το ονομα κυριου οτι αυτος ειπεν και εγενηθησαν αυτος ενετειλατο και εκτισθησαν

⁶ εστησεν αυτα εις τον αιωνα και εις τον αιωνα του αιωνος προσταγμα εθετο και ου παρελευσεται

⁷ αινειτε τον κυριον εκ της γης δρακοντες και πασαι αβυσσοι

⁸ πυρ χαλαζα χιων κρυσταλλος πνευμα καταιγιδος τα ποιουντα τον λογον αυτου

⁹ τα ορη και παντες οι βουνοι ξυλα καρποφορα και πασαι κεδροι

¹⁰ τα θηρια και παντα τα κτηνη ερπετα και πετεινα πτερωτα

¹¹ βασιλεις της γης και παντες λαοι αρχοντες και παντες κριται γης

¹² νεανισκοι και παρθενοι πρεσβυται μετα νεωτερων

¹³ αινεσατωσαν το ονομα κυριου οτι υψωθη το ονομα αυτου μονου η εξομολογησις αυτου επι γης και ουρανου

¹⁴ και υψωσει κερας λαου αυτου υμνος πασι τοις οσιοις αυτου τοις υιοις ισραηλ λαω εγγιζοντι αυτω