ΙΩΒ - Giobbe - Job 16

¹ υπολαβων δε ιωβ λεγει

² ακηκοα τοιαυτα πολλα παρακλητορες κακων παντες

³ τι γαρ μη ταξις εστιν ρημασιν πνευματος η τι παρενοχλησει σοι οτι αποκρινη

⁴ καγω καθ' υμας λαλησω ει υπεκειτο γε η ψυχη υμων αντι της εμης ειτ' εναλουμαι υμιν ρημασιν κινησω δε καθ' υμων κεφαλην

⁵ ειη δε ισχυς εν τω στοματι μου κινησιν δε χειλεων ου φεισομαι

⁶ εαν γαρ λαλησω ουκ αλγησω το τραυμα εαν δε και σιωπησω τι ελαττον τρωθησομαι

⁷ νυν δε κατακοπον με πεποιηκεν μωρον σεσηποτα

⁸ και επελαβου μου εις μαρτυριον εγενηθη και ανεστη εν εμοι το ψευδος μου κατα προσωπον μου ανταπεκριθη

⁹ οργη χρησαμενος κατεβαλεν με εβρυξεν επ' εμε τους οδοντας βελη πειρατων αυτου επ' εμοι επεσεν

¹⁰ ακισιν οφθαλμων ενηλατο οξει επαισεν με εις σιαγονα ομοθυμαδον δε κατεδραμον επ' εμοι

¹¹ παρεδωκεν γαρ με ο κυριος εις χειρας αδικου επι δε ασεβεσιν ερριψεν με

¹² ειρηνευοντα διεσκεδασεν με λαβων με της κομης διετιλεν κατεστησεν με ωσπερ σκοπον

¹³ εκυκλωσαν με λογχαις βαλλοντες εις νεφρους μου ου φειδομενοι εξεχεαν εις την γην την χολην μου

¹⁴ κατεβαλον με πτωμα επι πτωματι εδραμον προς με δυναμενοι

¹⁵ σακκον ερραψα επι βυρσης μου το δε σθενος μου εν γη εσβεσθη

¹⁶ η γαστηρ μου συγκεκαυται απο κλαυθμου επι δε βλεφαροις μου σκια

¹⁷ αδικον δε ουδεν ην εν χερσιν μου ευχη δε μου καθαρα

¹⁸ γη μη επικαλυψης εφ' αιματι της σαρκος μου μηδε ειη τοπος τη κραυγη μου

¹⁹ και νυν ιδου εν ουρανοις ο μαρτυς μου ο δε συνιστωρ μου εν υψιστοις

²⁰ αφικοιτο μου η δεησις προς κυριον εναντι δε αυτου σταζοι μου ο οφθαλμος

²¹ ειη δε ελεγχος ανδρι εναντι κυριου και υιος ανθρωπου τω πλησιον αυτου

²² ετη δε αριθμητα ηκασιν οδω δε η ουκ επαναστραφησομαι πορευσομαι