ΙΩΒ - Giobbe - Job 11

¹ υπολαβων δε σωφαρ ο μιναιος λεγει

² ο τα πολλα λεγων και αντακουσεται η και ο ευλαλος οιεται ειναι δικαιος ευλογημενος γεννητος γυναικος ολιγοβιος

³ μη πολυς εν ρημασιν γινου ου γαρ εστιν ο αντικρινομενος σοι

⁴ μη γαρ λεγε οτι καθαρος ειμι τοις εργοις και αμεμπτος εναντιον αυτου

⁵ αλλα πως αν ο κυριος λαλησαι προς σε και ανοιξει χειλη αυτου μετα σου

⁶ ειτα αναγγελει σοι δυναμιν σοφιας οτι διπλους εσται των κατα σε και τοτε γνωση οτι αξια σοι απεβη απο κυριου ων ημαρτηκας

⁷ η ιχνος κυριου ευρησεις η εις τα εσχατα αφικου α εποιησεν ο παντοκρατωρ

⁸ υψηλος ο ουρανος και τι ποιησεις βαθυτερα δε των εν αδου τι οιδας

⁹ η μακροτερα μετρου γης η ευρους θαλασσης

¹⁰ εαν δε καταστρεψη τα παντα τις ερει αυτω τι εποιησας

¹¹ αυτος γαρ οιδεν εργα ανομων ιδων δε ατοπα ου παροψεται

¹² ανθρωπος δε αλλως νηχεται λογοις βροτος δε γεννητος γυναικος ισα ονω ερημιτη

¹³ ει γαρ συ καθαραν εθου την καρδιαν σου υπτιαζεις δε χειρας προς αυτον

¹⁴ ει ανομον τι εστιν εν χερσιν σου πορρω ποιησον αυτο απο σου αδικια δε εν διαιτη σου μη αυλισθητω

¹⁵ ουτως γαρ αναλαμψει σου το προσωπον ωσπερ υδωρ καθαρον εκδυση δε ρυπον και ου μη φοβηθης

¹⁶ και τον κοπον επιληση ωσπερ κυμα παρελθον και ου πτοηθηση

¹⁷ η δε ευχη σου ωσπερ εωσφορος εκ δε μεσημβριας ανατελει σοι ζωη

¹⁸ πεποιθως τε εση οτι εστιν σοι ελπις εκ δε μεριμνης και φροντιδος αναφανειται σοι ειρηνη

¹⁹ ησυχασεις γαρ και ουκ εσται ο πολεμων σε μεταβαλομενοι δε πολλοι σου δεηθησονται

²⁰ σωτηρια δε αυτους απολειψει η γαρ ελπις αυτων απωλεια οφθαλμοι δε ασεβων τακησονται