ΣΟΦΙΑ ΣΕΙΡΑΧ - Siracide - Sirach 33

¹ τω φοβουμενω κυριον ουκ απαντησει κακον αλλ' εν πειρασμω και παλιν εξελειται

² ανηρ σοφος ου μισησει νομον ο δε υποκρινομενος εν αυτω ως εν καταιγιδι πλοιον

³ ανθρωπος συνετος εμπιστευσει νομω και ο νομος αυτω πιστος ως ερωτημα δηλων

⁴ ετοιμασον λογον και ουτως ακουσθηση συνδησον παιδειαν και αποκριθητι

⁵ τροχος αμαξης σπλαγχνα μωρου και ως αξων στρεφομενος ο διαλογισμος αυτου

⁶ ιππος εις οχειαν ως φιλος μωκος υποκατω παντος επικαθημενου χρεμετιζει

⁷ δια τι ημερα ημερας υπερεχει και παν φως ημερας ενιαυτου αφ' ηλιου

⁸ εν γνωσει κυριου διεχωρισθησαν και ηλλοιωσεν καιρους και εορτας

⁹ απ' αυτων ανυψωσεν και ηγιασεν και εξ αυτων εθηκεν εις αριθμον ημερων

¹⁰ και ανθρωποι παντες απο εδαφους και εκ γης εκτισθη αδαμ

¹¹ εν πληθει επιστημης κυριος διεχωρισεν αυτους και ηλλοιωσεν τας οδους αυτων

¹² εξ αυτων ευλογησεν και ανυψωσεν και εξ αυτων ηγιασεν και προς αυτον ηγγισεν απ' αυτων κατηρασατο και εταπεινωσεν και ανεστρεψεν αυτους απο στασεως αυτων

¹³ ως πηλος κεραμεως εν χειρι αυτου πασαι αι οδοι αυτου κατα την ευδοκιαν αυτου ουτως ανθρωποι εν χειρι του ποιησαντος αυτους αποδουναι αυτοις κατα την κρισιν αυτου

¹⁴ απεναντι του κακου το αγαθον και απεναντι του θανατου η ζωη ουτως απεναντι ευσεβους αμαρτωλος

¹⁵ και ουτως εμβλεψον εις παντα τα εργα του υψιστου δυο δυο εν κατεναντι του ενος

¹⁶ καγω εσχατος ηγρυπνησα ως καλαμωμενος οπισω τρυγητων

¹⁷ εν ευλογια κυριου εφθασα και ως τρυγων επληρωσα ληνον

¹⁸ κατανοησατε οτι ουκ εμοι μονω εκοπιασα αλλα πασιν τοις ζητουσιν παιδειαν

¹⁹ ακουσατε μου μεγιστανες λαου και οι ηγουμενοι εκκλησιας ενωτισασθε

²⁰ υιω και γυναικι αδελφω και φιλω μη δως εξουσιαν επι σε εν ζωη σου και μη δως ετερω τα χρηματα σου ινα μη μεταμεληθεις δεη περι αυτων

²¹ εως ετι ζης και πνοη εν σοι μη αλλαξης σεαυτον εν παση σαρκι

²² κρεισσον γαρ εστιν τα τεκνα δεηθηναι σου η σε εμβλεπειν εις χειρας υιων σου

²³ εν πασι τοις εργοις σου γινου υπεραγων μη δως μωμον εν τη δοξη σου

²⁴ εν ημερα συντελειας ημερων ζωης σου και εν καιρω τελευτης διαδος κληρονομιαν

²⁵ χορτασματα και ραβδος και φορτια ονω αρτος και παιδεια και εργον οικετη

²⁶ εργασαι εν παιδι και ευρησεις αναπαυσιν ανες χειρας αυτω και ζητησει ελευθεριαν

²⁷ ζυγος και ιμας τραχηλον καμψουσιν και οικετη κακουργω στρεβλαι και βασανοι

²⁸ εμβαλε αυτον εις εργασιαν ινα μη αργη πολλην γαρ κακιαν εδιδαξεν η αργια

²⁹ εις εργα καταστησον καθως πρεπει αυτω καν μη πειθαρχη βαρυνον τας πεδας αυτου

³⁰ και μη περισσευσης επι παση σαρκι και ανευ κρισεως μη ποιησης μηδεν

³¹ ει εστιν σοι οικετης εστω ως συ οτι εν αιματι εκτησω αυτον

³² ει εστιν σοι οικετης αγε αυτον ως αδελφον οτι ως η ψυχη σου επιδεησεις αυτω

³³ εαν κακωσης αυτον και απαρας αποδρα εν ποια οδω ζητησεις αυτον