ΣΟΦΙΑ ΣΕΙΡΑΧ - Siracide - Sirach 25

¹ εν τρισιν ωραισθην και ανεστην ωραια εναντι κυριου και ανθρωπων ομονοια αδελφων και φιλια των πλησιον και γυνη και ανηρ εαυτοις συμπεριφερομενοι

² τρια δε ειδη εμισησεν η ψυχη μου και προσωχθισα σφοδρα τη ζωη αυτων πτωχον υπερηφανον και πλουσιον ψευστην γεροντα μοιχον ελαττουμενον συνεσει

³ εν νεοτητι ου συναγειοχας και πως αν ευροις εν τω γηρα σου

⁴ ως ωραιον πολιαις κρισις και πρεσβυτεροις επιγνωναι βουλην

⁵ ως ωραια γεροντων σοφια και δεδοξασμενοις διανοημα και βουλη

⁶ στεφανος γεροντων πολυπειρια και το καυχημα αυτων φοβος κυριου

⁷ εννεα υπονοηματα εμακαρισα εν καρδια και το δεκατον ερω επι γλωσσης ανθρωπος ευφραινομενος επι τεκνοις ζων και βλεπων επι πτωσει εχθρων

⁸ μακαριος ο συνοικων γυναικι συνετη και ος εν γλωσση ουκ ωλισθησεν και ος ουκ εδουλευσεν αναξιω εαυτου

⁹ μακαριος ος ευρεν φρονησιν και ο διηγουμενος εις ωτα ακουοντων

¹⁰ ως μεγας ο ευρων σοφιαν αλλ' ουκ εστιν υπερ τον φοβουμενον τον κυριον

¹¹ φοβος κυριου υπερ παν υπερεβαλεν ο κρατων αυτου τινι ομοιωθησεται

¹² -

¹³ πασαν πληγην και μη πληγην καρδιας και πασαν πονηριαν και μη πονηριαν γυναικος

¹⁴ πασαν επαγωγην και μη επαγωγην μισουντων και πασαν εκδικησιν και μη εκδικησιν εχθρων

¹⁵ ουκ εστιν κεφαλη υπερ κεφαλην οφεως και ουκ εστιν θυμος υπερ θυμον εχθρου

¹⁶ συνοικησαι λεοντι και δρακοντι ευδοκησω η συνοικησαι μετα γυναικος πονηρας

¹⁷ πονηρια γυναικος αλλοιοι την ορασιν αυτης και σκοτοι το προσωπον αυτης ως αρκος

¹⁸ ανα μεσον των πλησιον αυτου αναπεσειται ο ανηρ αυτης και ακουσιως ανεστεναξεν πικρα

¹⁹ μικρα πασα κακια προς κακιαν γυναικος κληρος αμαρτωλου επιπεσοι αυτη

²⁰ αναβασις αμμωδης εν ποσιν πρεσβυτερου ουτως γυνη γλωσσωδης ανδρι ησυχω

²¹ μη προσπεσης επι καλλος γυναικος και γυναικα μη επιποθησης

²² οργη και αναιδεια και αισχυνη μεγαλη γυνη εαν επιχορηγη τω ανδρι αυτης

²³ καρδια ταπεινη και προσωπον σκυθρωπον και πληγη καρδιας γυνη πονηρα χειρες παρειμεναι και γονατα παραλελυμενα ητις ου μακαριει τον ανδρα αυτης

²⁴ απο γυναικος αρχη αμαρτιας και δι' αυτην αποθνησκομεν παντες

²⁵ μη δως υδατι διεξοδον μηδε γυναικι πονηρα παρρησιαν

²⁶ ει μη πορευεται κατα χειρας σου απο των σαρκων σου αποτεμε αυτην