Tehillim (תהילים) - Salmi 140

MODERN HEBREW BIBLE	Miqra 'al pi ha-Mesorah
1 למנצח מזמור לדוד חלצני יהוה מאדם רע מאיש חמסים תנצרני	1 לַמְנַצֵּחַ מִזְמוֹר לְדָוִֽד׃
2 אשר חשבו רעות בלב כל יום יגורו מלחמות	2 חַלְּצֵנִי יְהֹוָה מֵֽאָדָם רָעמֵאִישׁ חֲמָסִים תִּנְצְרֵֽנִי׃
3 שננו לשונם כמו נחש חמת עכשוב תחת שפתימו סלה	3 אֲשֶׁר חָשְׁבוּ רָעוֹת בְּלֵבכׇּל־יוֹם יָגוּרוּ מִלְחָמֽוֹת׃
4 שמרני יהוה מידי רשע מאיש חמסים תנצרני אשר חשבו לדחות פעמי	4 שָׁנְנוּ לְשׁוֹנָם כְּֽמוֹ־נָחָשׁחֲמַת עַכְשׁוּבתַּחַת שְׂפָתֵימוֹ סֶֽלָה׃
5 טמנו גאים פח לי וחבלים פרשו רשת ליד מעגל מקשים שתו לי סלה	5 שׇׁמְרֵנִי יְהֹוָה ׀ מִידֵי רָשָׁעמֵאִישׁ חֲמָסִים תִּנְצְרֵנִיאֲשֶׁר חָשְׁבוּ לִדְחוֹת פְּעָמָֽי׃
6 אמרתי ליהוה אלי אתה האזינה יהוה קול תחנוני	6 טָמְנֽוּ גֵאִים ׀ פַּח לִיוַחֲבָלִים פָּרְשׂוּ רֶשֶׁת לְיַד־מַעְגָּלמֹקְשִׁים שָׁתוּ־לִי סֶֽלָה׃
7 יהוה אדני עז ישועתי סכתה לראשי ביום נשק	7 אָמַרְתִּי לַיהֹוָה אֵלִי אָתָּההַאֲזִינָה יְהֹוָה קוֹל תַּחֲנוּנָֽי׃
8 אל תתן יהוה מאויי רשע זממו אל תפק ירומו סלה	8 יֱהֹוִה אֲדֹנָי עֹז יְשׁוּעָתִיסַכֹּתָה לְרֹאשִׁי בְּיוֹם נָֽשֶׁק׃
9 ראש מסבי עמל שפתימו יכסומו	9 אַל־תִּתֵּן יְהֹוָה מַאֲוַיֵּי רָשָׁעזְמָמוֹ אַל־תָּפֵק יָרוּמוּ סֶֽלָה׃
10 ימיטו עליהם גחלים באש יפלם במהמרות בל יקומו	10 רֹאשׁ מְסִבָּיעֲמַל שְׂפָתֵימוֹ יכסומו יְכַסֵּֽימוֹ׃
11 איש לשון בל יכון בארץ איש חמס רע יצודנו למדחפת	11 ימיטו יִמּוֹטוּ עֲלֵיהֶם גֶּחָלִיםבָּאֵשׁ יַפִּלֵםבְּמַהֲמֹרוֹת בַּל־יָקֽוּמוּ׃
12 ידעת כי יעשה יהוה דין עני משפט אבינים	12 אִישׁ לָשׁוֹן בַּל־יִכּוֹן בָּאָרֶץאִישׁ־חָמָס רָעיְצוּדֶנּוּ לְמַדְחֵפֹֽת׃
13 אך צדיקים יודו לשמך ישבו ישרים את פניך	13 ידעת יָדַעְתִּי כִּֽי־יַעֲשֶׂה יְהֹוָה דִּין עָנִימִשְׁפַּט אֶבְיֹנִֽים׃
	14 אַךְ צַדִּיקִים יוֹדוּ לִשְׁמֶךָיֵשְׁבוּ יְשָׁרִים אֶת־פָּנֶֽיךָ׃