Isaiah (ישעיה) - Isaia 97

¹ יהוה מלך תגל הארץ ישמחו איים רבים² ענן וערפל סביביו צדק ומשפט מכון כסאו³ אש לפניו תלך ותלהט סביב צריו⁴ האירו ברקיו תבל ראתה ותחל הארץ⁵ הרים כדונג נמסו מלפני יהוה מלפני אדון כל הארץ⁶ הגידו השמים צדקו וראו כל העמים כבודו⁷ יבשו כל עבדי פסל המתהללים באלילים השתחוו לו כל אלהים⁸ שמעה ותשמח ציון ותגלנה בנות יהודה למען משפטיך יהוה⁹ כי אתה יהוה עליון על כל הארץ מאד נעלית על כל אלהים¹⁰ אהבי יהוה שנאו רע שמר נפשות חסידיו מיד רשעים יצילם¹¹ אור זרע לצדיק ולישרי לב שמחה¹² שמחו צדיקים ביהוה והודו לזכר קדשו