ΣΟΦΙΑ ΣΕΙΡΑΧ - Siracide - Sirach 7

¹ μη ποιει κακα και ου μη σε καταλαβη κακον

² αποστηθι απο αδικου και εκκλινει απο σου

³ υιε μη σπειρε επ' αυλακας αδικιας και ου μη θερισης αυτα επταπλασιως

⁴ μη ζητει παρα κυριου ηγεμονιαν μηδε παρα βασιλεως καθεδραν δοξης

⁵ μη δικαιου εναντι κυριου και παρα βασιλει μη σοφιζου

⁶ μη ζητει γενεσθαι κριτης μη ουκ ισχυσεις εξαραι αδικιας μηποτε ευλαβηθης απο προσωπου δυναστου και θησεις σκανδαλον εν ευθυτητι σου

⁷ μη αμαρτανε εις πληθος πολεως και μη καταβαλης σεαυτον εν οχλω

⁸ μη καταδεσμευσης δις αμαρτιαν εν γαρ τη μια ουκ αθωος εση

⁹ μη ειπης τω πληθει των δωρων μου εποψεται και εν τω προσενεγκαι με θεω υψιστω προσδεξεται

¹⁰ μη ολιγοψυχησης εν τη προσευχη σου και ελεημοσυνην ποιησαι μη παριδης

¹¹ μη καταγελα ανθρωπον οντα εν πικρια ψυχης αυτου εστιν γαρ ο ταπεινων και ανυψων

¹² μη αροτρια ψευδος επ' αδελφω σου μηδε φιλω το ομοιον ποιει

¹³ μη θελε ψευδεσθαι παν ψευδος ο γαρ ενδελεχισμος αυτου ουκ εις αγαθον

¹⁴ μη αδολεσχει εν πληθει πρεσβυτερων και μη δευτερωσης λογον εν προσευχη σου

¹⁵ μη μισησης επιπονον εργασιαν και γεωργιαν υπο υψιστου εκτισμενην

¹⁶ μη προσλογιζου σεαυτον εν πληθει αμαρτωλων μνησθητι οτι οργη ου χρονιει

¹⁷ ταπεινωσον σφοδρα την ψυχην σου οτι εκδικησις ασεβους πυρ και σκωληξ

¹⁸ μη αλλαξης φιλον ενεκεν διαφορου μηδε αδελφον γνησιον εν χρυσιω σουφιρ

¹⁹ μη αστοχει γυναικος σοφης και αγαθης η γαρ χαρις αυτης υπερ το χρυσιον

²⁰ μη κακωσης οικετην εργαζομενον εν αληθεια μηδε μισθιον διδοντα την ψυχην αυτου

²¹ οικετην συνετον αγαπατω σου η ψυχη μη στερησης αυτον ελευθεριας

²² κτηνη σοι εστιν επισκεπτου αυτα και ει εστιν σοι χρησιμα εμμενετω σοι

²³ τεκνα σοι εστιν παιδευσον αυτα και καμψον εκ νεοτητος τον τραχηλον αυτων

²⁴ θυγατερες σοι εισιν προσεχε τω σωματι αυτων και μη ιλαρωσης προς αυτας το προσωπον σου

²⁵ εκδου θυγατερα και εση τετελεκως εργον μεγα και ανδρι συνετω δωρησαι αυτην

²⁶ γυνη σοι εστιν κατα ψυχην μη εκβαλης αυτην και μισουμενη μη εμπιστευσης σεαυτον

²⁷ εν ολη καρδια σου δοξασον τον πατερα σου και μητρος ωδινας μη επιλαθη

²⁸ μνησθητι οτι δι' αυτων εγεννηθης και τι ανταποδωσεις αυτοις καθως αυτοι σοι

²⁹ εν ολη ψυχη σου ευλαβου τον κυριον και τους ιερεις αυτου θαυμαζε

³⁰ εν ολη δυναμει αγαπησον τον ποιησαντα σε και τους λειτουργους αυτου μη εγκαταλιπης

³¹ φοβου τον κυριον και δοξασον ιερεα και δος την μεριδα αυτω καθως εντεταλται σοι απαρχην και περι πλημμελειας και δοσιν βραχιονων και θυσιαν αγιασμου και απαρχην αγιων

³² και πτωχω εκτεινον την χειρα σου ινα τελειωθη η ευλογια σου

³³ χαρις δοματος εναντι παντος ζωντος και επι νεκρω μη αποκωλυσης χαριν

³⁴ μη υστερει απο κλαιοντων και μετα πενθουντων πενθησον

³⁵ μη οκνει επισκεπτεσθαι αρρωστον ανθρωπον εκ γαρ των τοιουτων αγαπηθηση

³⁶ εν πασι τοις λογοις σου μιμνησκου τα εσχατα σου και εις τον αιωνα ουχ αμαρτησεις