ΣΟΦΙΑ ΣΕΙΡΑΧ - Siracide - Sirach 36

¹ ελεησον ημας δεσποτα ο θεος παντων και επιβλεψον και επιβαλε τον φοβον σου επι παντα τα εθνη

² επαρον την χειρα σου επι εθνη αλλοτρια και ιδετωσαν την δυναστειαν σου

³ ωσπερ ενωπιον αυτων ηγιασθης εν ημιν ουτως ενωπιον ημων μεγαλυνθειης εν αυτοις

⁴ και επιγνωτωσαν σε καθαπερ και ημεις επεγνωμεν οτι ουκ εστιν θεος πλην σου κυριε

⁵ εγκαινισον σημεια και αλλοιωσον θαυμασια δοξασον χειρα και βραχιονα δεξιον

⁶ εγειρον θυμον και εκχεον οργην εξαρον αντιδικον και εκτριψον εχθρον

⁷ σπευσον καιρον και μνησθητι ορκισμου και εκδιηγησασθωσαν τα μεγαλεια σου

⁸ εν οργη πυρος καταβρωθητω ο σωζομενος και οι κακουντες τον λαον σου ευροισαν απωλειαν

⁹ συντριψον κεφαλας αρχοντων εχθρων λεγοντων ουκ εστιν πλην ημων

¹⁰ συναγαγε πασας φυλας ιακωβ και κατακληρονομησον αυτους καθως απ' αρχης

¹¹ ελεησον λαον κυριε κεκλημενον επ' ονοματι σου και ισραηλ ον πρωτογονω ωμοιωσας

¹² οικτιρησον πολιν αγιασματος σου ιερουσαλημ τοπον καταπαυματος σου

¹³ πλησον σιων αρεταλογιας σου και απο της δοξης σου τον λαον σου

¹⁴ δος μαρτυριον τοις εν αρχη κτισμασιν σου και εγειρον προφητειας τας επ' ονοματι σου

¹⁵ δος μισθον τοις υπομενουσιν σε και οι προφηται σου εμπιστευθητωσαν

¹⁶ εισακουσον κυριε δεησεως των ικετων σου κατα την ευλογιαν ααρων περι του λαου σου

¹⁷ και γνωσονται παντες οι επι της γης οτι κυριος ει ο θεος των αιωνων

¹⁸ παν βρωμα φαγεται κοιλια εστιν δε βρωμα βρωματος καλλιον

¹⁹ φαρυγξ γευεται βρωματα θηρας ουτως καρδια συνετη λογους ψευδεις

²⁰ καρδια στρεβλη δωσει λυπην και ανθρωπος πολυπειρος ανταποδωσει αυτω

²¹ παντα αρρενα επιδεξεται γυνη εστιν δε θυγατηρ θυγατρος κρεισσων

²² καλλος γυναικος ιλαρυνει προσωπον και υπερ πασαν επιθυμιαν ανθρωπου υπεραγει

²³ ει εστιν επι γλωσσης αυτης ελεος και πραυτης ουκ εστιν ο ανηρ αυτης καθ' υιους ανθρωπων

²⁴ ο κτωμενος γυναικα εναρχεται κτησεως βοηθον κατ' αυτον και στυλον αναπαυσεως

²⁵ ου ουκ εστιν φραγμος διαρπαγησεται κτημα και ου ουκ εστιν γυνη στεναξει πλανωμενος

²⁶ τις γαρ πιστευσει ευζωνω ληστη αφαλλομενω εκ πολεως εις πολιν

²⁷ ουτως ανθρωπω μη εχοντι νοσσιαν και καταλυοντι ου εαν οψιση