תהילים 54

תנ"ך - מקרא על פי המסורה	Miqra 'al pi ha-Mesorah
¹ לַמְנַצֵּחַ בִּנְגִינֹת מַשְׂכִּיל לְדָוִד	¹ לַמְנַצֵּחַ בִּנְגִינֹת מַשְׂכִּיל לְדָוִֽד׃
² בְּבֹוא הַזִּיפִים וַיֹּאמְרוּ לְשָׁאוּל הֲלֹא דָוִד מִסְתַּתֵּר עִמָּנוּ	² בְּבֹא הַזִּיפִים וַיֹּאמְרוּ לְשָׁאוּלהֲלֹא דָוִד מִסְתַּתֵּר עִמָּֽנוּ׃
³ אֱלֹהִים בְּשִׁמְךָ הֹושִׁיעֵנִי וּבִגְבוּרָתְךָ תְדִינֵנִי	³ אֱלֹהִים בְּשִׁמְךָ הוֹשִׁיעֵנִיוּבִגְבוּרָתְךָ תְדִינֵֽנִי׃
⁴ אֱלֹהִים שְׁמַע תְּפִלָּתִי הַאֲזִינָה לְאִמְרֵי־פִי	⁴ אֱלֹהִים שְׁמַע תְּפִלָּתִיהַאֲזִינָה לְאִמְרֵי־פִֽי׃
⁵ כִּי זָרִים ׀ קָמוּ עָלַי וְעָרִיצִים בִּקְשׁוּ נַפְשִׁי לֹא שָׂמוּ אֱלֹהִים לְנֶגְדָּם סֶלָה	⁵ כִּי זָרִים ׀ קָמוּ עָלַיוְֽעָרִיצִים בִּקְשׁוּ נַפְשִׁילֹא שָׂמוּ אֱלֹהִים לְנֶגְדָּם סֶֽלָה׃
⁶ הִנֵּה אֱלֹהִים עֹזֵר לִי אֲדֹנָי בְּסֹמְכֵי נַפְשִׁי	⁶ הִנֵּה אֱלֹהִים עֹזֵר לִיאֲדֹנָי בְּֽסֹמְכֵי נַפְשִֽׁי׃
⁷ [יָשֹׁוב כ] (יָשִׁיב ק) הָרַע לְשֹׁרְרָי בַּאֲמִתְּךָ הַצְמִיתֵם	⁷ ישוב יָשִׁיב הָרַע לְשֹׁרְרָיבַּאֲמִתְּךָ הַצְמִיתֵֽם׃
⁸ בִּנְדָבָה אֶזְבְּחָה־לָּךְ אֹודֶה שִּׁמְךָ יְהוָה כִּי־טֹוב	⁸ בִּנְדָבָה אֶזְבְּחָה־לָּךְאוֹדֶה שִּׁמְךָ יְהֹוָה כִּי־טֽוֹב׃
⁹ כִּי מִכָּל־צָרָה הִצִּילָנִי וּבְאֹיְבַי רָאֲתָה עֵינִי	⁹ כִּי מִכׇּל־צָרָה הִצִּילָנִיוּבְאֹיְבַי רָאֲתָה עֵינִֽי׃