Salmi תהילים (Tehillim) 65

Stuttgartensia - Delitzsch	Modern Hebrew Bible
¹ לַמְנַצֵּחַ מִזְמֹור לְדָוִד שִׁיר	¹ למנצח מזמור לדוד שיר לך דמיה תהלה אלהים בציון ולך ישלם נדר
² לְךָ דֻמִיָּה תְהִלָּה אֱלֹהִים בְּצִיֹּון וּלְךָ יְשֻׁלַּם־נֶדֶר	² שמע תפלה עדיך כל בשר יבאו
³ שֹׁמֵעַ תְּפִלָּה עָדֶיךָ כָּל־בָּשָׂר יָבֹאוּ	³ דברי עונת גברו מני פשעינו אתה תכפרם
⁴ דִּבְרֵי עֲוֹנֹת גָּבְרוּ מֶנִּי פְּשָׁעֵינוּ אַתָּה תְכַפְּרֵם	⁴ אשרי תבחר ותקרב ישכן חצריך נשבעה בטוב ביתך קדש היכלך
⁵ אַשְׁרֵי ׀ תִּבְחַר וּתְקָרֵב יִשְׁכֹּן חֲצֵרֶיךָ נִשְׂבְּעָה בְּטוּב בֵּיתֶךָ קְדֹשׁ הֵיכָלֶךָ	⁵ נוראות בצדק תעננו אלהי ישענו מבטח כל קצוי ארץ וים רחקים
⁶ נֹורָאֹות ׀ בְּצֶדֶק תַּעֲנֵנוּ אֱלֹהֵי יִשְׁעֵנוּ מִבְטָח כָּל־קַצְוֵי־אֶרֶץ וְיָם רְחֹקִים	⁶ מכין הרים בכחו נאזר בגבורה
⁷ מֵכִין הָרִים בְּכֹחֹו נֶאְזָר בִּגְבוּרָה	⁷ משביח שאון ימים שאון גליהם והמון לאמים
⁸ מַשְׁבִּיחַ ׀ שְׁאֹון יַמִּים שְׁאֹון גַּלֵּיהֶם וַהֲמֹון לְאֻמִּים	⁸ וייראו ישבי קצות מאותתיך מוצאי בקר וערב תרנין
⁹ וַיִּירְאוּ ׀ יֹשְׁבֵי קְצָוֹת מֵאֹותֹתֶיךָ מֹוצָאֵי־בֹקֶר וָעֶרֶב תַּרְנִין	⁹ פקדת הארץ ותשקקה רבת תעשרנה פלג אלהים מלא מים תכין דגנם כי כן תכינה
¹⁰ פָּקַדְתָּ הָאָרֶץ ׀ וַתְּשֹׁקְקֶהָ רַבַּת תַּעְשְׁרֶנָּה פֶּלֶג אֱלֹהִים מָלֵא מָיִם תָּכִין דְּגָנָם כִּי־כֵן תְּכִינֶהָ	¹⁰ תלמיה רוה נחת גדודיה ברביבים תמגגנה צמחה תברך
¹¹ תְּלָמֶיהָ רַוֵּה נַחֵת גְּדוּדֶיהָ בִּרְבִיבִים תְּמֹגְגֶנָּה צִמְחָהּ תְּבָרֵךְ	¹¹ עטרת שנת טובתך ומעגליך ירעפון דשן
¹² עִטַּרְתָּ שְׁנַת טֹובָתֶךָ וּמַעְגָּלֶיךָ יִרְעֲפוּן דָּשֶׁן	¹² ירעפו נאות מדבר וגיל גבעות תחגרנה
¹³ יִרְעֲפוּ נְאֹות מִדְבָּר וְגִיל גְּבָעֹות תַּחְגֹּרְנָה	¹³ לבשו כרים הצאן ועמקים יעטפו בר יתרועעו אף ישירו
¹⁴ לָבְשׁוּ כָרִים ׀ הַצֹּאן וַעֲמָקִים יַעַטְפוּ־בָר יִתְרֹועֲעוּ אַף־יָשִׁירוּ