Salmi תהילים (Tehillim) 1

Stuttgartensia - Delitzsch	Miqra 'al pi ha-Mesorah
¹ אַשְׁרֵי־הָאִישׁ אֲשֶׁר ׀ לֹא הָלַךְ בַּעֲצַת רְשָׁעִים וּבְדֶרֶךְ חַטָּאִים לֹא עָמָד וּבְמֹושַׁב לֵצִים לֹא יָשָׁב	¹ אַשְֽׁרֵי הָאִישׁאֲשֶׁר ׀ לֹא הָלַךְ בַּעֲצַת רְשָׁעִיםוּבְדֶרֶךְ חַטָּאִים לֹא עָמָדוּבְמוֹשַׁב לֵצִים לֹא יָשָֽׁב׃
² כִּי אִם בְּתֹורַת יְהוָה חֶפְצֹו וּבְתֹורָתֹו יֶהְגֶּה יֹומָם וָלָיְלָה	² כִּי אִם בְּתוֹרַת יְהֹוָה חֶפְצוֹוּֽבְתוֹרָתוֹ יֶהְגֶּה יוֹמָם וָלָֽיְלָה׃
³ וְהָיָה כְּעֵץ שָׁתוּל עַל־פַּלְגֵי מָיִם אֲשֶׁר פִּרְיֹו ׀ יִתֵּן בְּעִתֹּו וְעָלֵהוּ לֹא־יִבֹּול וְכֹל אֲשֶׁר־יַעֲשֶׂה יַצְלִיחַ	³ וְֽהָיָה כְּעֵץ שָׁתוּל עַֽל־פַּלְגֵי מָיִםאֲשֶׁר פִּרְיוֹ ׀ יִתֵּן בְּעִתּוֹוְעָלֵהוּ לֹֽא־יִבּוֹלוְכֹל אֲשֶׁר־יַעֲשֶׂה יַצְלִֽיחַ׃
⁴ לֹא־כֵן הָרְשָׁעִים כִּי אִם־כַּמֹּץ אֲ‍שֶׁר־תִּדְּפֶנּוּ רוּחַ	⁴ לֹא־כֵן הָרְשָׁעִיםכִּי אִם־כַּמֹּץ אֲֽשֶׁר־תִּדְּפֶנּוּ רֽוּחַ׃
⁵ עַל־כֵּן ׀ לֹא־יָקֻמוּ רְשָׁעִים בַּמִּשְׁפָּט וְחַטָּאִים בַּעֲדַת צַדִּיקִים	⁵ עַל־כֵּן ׀ לֹא־יָקֻמוּ רְשָׁעִים בַּמִּשְׁפָּטוְחַטָּאִים בַּעֲדַת צַדִּיקִֽים׃
⁶ כִּי־יֹודֵעַ יְהוָה דֶּרֶךְ צַדִּיקִים וְדֶרֶךְ רְשָׁעִים תֹּאבֵד	⁶ כִּֽי־יוֹדֵעַ יְהֹוָה דֶּרֶךְ צַדִּיקִיםוְדֶרֶךְ רְשָׁעִים תֹּאבֵֽד׃