Salmi תהילים (Tehillim) 82

Modern Hebrew Bible	Miqra 'al pi ha-Mesorah
¹ מזמור לאסף אלהים נצב בעדת אל בקרב אלהים ישפט	¹ מִזְמוֹר לְאָסָףאֱֽלֹהִים נִצָּב בַּעֲדַת־אֵלבְּקֶרֶב אֱלֹהִים יִשְׁפֹּֽט׃
² עד מתי תשפטו עול ופני רשעים תשאו סלה	² עַד־מָתַי תִּשְׁפְּטוּ־עָוֶלוּפְנֵי רְשָׁעִים תִּשְׂאוּ־סֶֽלָה׃
³ שפטו דל ויתום עני ורש הצדיקו	³ שִׁפְטוּ־דַל וְיָתוֹםעָנִי וָרָשׁ הַצְדִּֽיקוּ׃
⁴ פלטו דל ואביון מיד רשעים הצילו	⁴ פַּלְּטוּ־דַל וְאֶבְיוֹןמִיַּד רְשָׁעִים הַצִּֽילוּ׃
⁵ לא ידעו ולא יבינו בחשכה יתהלכו ימוטו כל מוסדי ארץ	⁵ לֹא יָדְעוּ ׀ וְלֹא יָבִינוּבַּחֲשֵׁכָה יִתְהַלָּכוּיִמּוֹטוּ כׇּל־מוֹסְדֵי אָֽרֶץ׃
⁶ אני אמרתי אלהים אתם ובני עליון כלכם	⁶ אֲֽנִי־אָמַרְתִּי אֱלֹהִים אַתֶּםוּבְנֵי עֶלְיוֹן כֻּלְּכֶֽם׃
⁷ אכן כאדם תמותון וכאחד השרים תפלו	⁷ אָכֵן כְּאָדָם תְּמוּתוּןוּכְאַחַד הַשָּׂרִים תִּפֹּֽלוּ׃
⁸ קומה אלהים שפטה הארץ כי אתה תנחל בכל הגוים	⁸ קוּמָה אֱלֹהִים שׇׁפְטָה הָאָרֶץכִּֽי־אַתָּה תִנְחַל בְּכׇל־הַגּוֹיִֽם׃