Tehillim (תהילים) - Salmi 76

MODERN HEBREW BIBLE	Miqra 'al pi ha-Mesorah
1 למנצח בנגינת מזמור לאסף שיר נודע ביהודה אלהים בישראל גדול שמו	1 לַמְנַצֵּחַ בִּנְגִינֹת מִזְמוֹר לְאָסָף שִֽׁיר׃
2 ויהי בשלם סכו ומעונתו בציון	2 נוֹדָע בִּיהוּדָה אֱלֹהִיםבְּיִשְׂרָאֵל גָּדוֹל שְׁמֽוֹ׃
3 שמה שבר רשפי קשת מגן וחרב ומלחמה סלה	3 וַיְהִי בְשָׁלֵם סוּכּוֹוּמְעוֹנָתוֹ בְצִיּֽוֹן׃
4 נאור אתה אדיר מהררי טרף	4 שָׁמָּה שִׁבַּר רִשְׁפֵי־קָשֶׁתמָגֵן וְחֶרֶב וּמִלְחָמָה סֶֽלָה׃
5 אשתוללו אבירי לב נמו שנתם ולא מצאו כל אנשי חיל ידיהם	5 נָאוֹר אַתָּה אַדִּירמֵֽהַרְרֵי־טָֽרֶף׃
6 מגערתך אלהי יעקב נרדם ורכב וסוס	6 אֶשְׁתּֽוֹלְלוּ ׀ אַבִּירֵי לֵב נָמוּ שְׁנָתָםוְלֹֽא־מָצְאוּ כׇל־אַנְשֵׁי־חַיִל יְדֵיהֶֽם׃
7 אתה נורא אתה ומי יעמד לפניך מאז אפך	7 מִגַּעֲרָתְךָ אֱלֹהֵי יַעֲקֹבנִרְדָּם וְרֶכֶב וָסֽוּס׃
8 משמים השמעת דין ארץ יראה ושקטה	8 אַתָּה ׀ נוֹרָא אַתָּהוּמִֽי־יַעֲמֹד לְפָנֶיךָמֵאָז אַפֶּֽךָ׃
9 בקום למשפט אלהים להושיע כל ענוי ארץ סלה	9 מִשָּׁמַיִם הִשְׁמַעְתָּ דִּיןאֶרֶץ יָֽרְאָה וְשָׁקָֽטָה׃
10 כי חמת אדם תודך שארית חמת תחגר	10 בְּקוּם־לַמִּשְׁפָּט אֱלֹהִיםלְהוֹשִׁיעַ כׇּל־עַנְוֵי־אֶרֶץ סֶֽלָה׃
11 נדרו ושלמו ליהוה אלהיכם כל סביביו יובילו שי למורא	11 כִּֽי־חֲמַת אָדָם תּוֹדֶךָּשְׁאֵרִית חֵמֹת תַּחְגֹּֽר׃
12 יבצר רוח נגידים נורא למלכי ארץ	12 נִדְרוּ וְשַׁלְּמוּ לַיהֹוָה אֱֽלֹהֵיכֶםכׇּל־סְבִיבָיויֹבִילוּ שַׁי לַמּוֹרָֽא׃
	13 יִבְצֹר רוּחַ נְגִידִיםנוֹרָא לְמַלְכֵי־אָֽרֶץ׃