Salmi תהילים (Tehillim) 128

Modern Hebrew Bible	Stuttgartensia - Delitzsch
¹ שיר המעלות אשרי כל ירא יהוה ההלך בדרכיו	¹ שִׁיר הַמַּעֲלֹות אַשְׁרֵי כָּל־יְרֵא יְהוָה הַהֹלֵךְ בִּדְרָכָיו
² יגיע כפיך כי תאכל אשריך וטוב לך	² יְגִיעַ כַּפֶּיךָ כִּי תֹאכֵל אַשְׁרֶיךָ וְטֹוב לָךְ
³ אשתך כגפן פריה בירכתי ביתך בניך כשתלי זיתים סביב לשלחנך	³ אֶשְׁתְּךָ ׀ כְּגֶפֶן פֹּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶךָ
⁴ הנה כי כן יברך גבר ירא יהוה	⁴ הִנֵּה כִי־כֵן יְבֹרַךְ גָּבֶר יְרֵא יְהוָה
⁵ יברכך יהוה מציון וראה בטוב ירושלם כל ימי חייך	⁵ יְבָרֶכְךָ יְהוָה מִצִּיֹּון וּרְאֵה בְּטוּב יְרוּשָׁלִָם כֹּל יְמֵי חַיֶּיךָ
⁶ וראה בנים לבניך שלום על ישראל	⁶ וּרְאֵה־בָנִים לְבָנֶיךָ לֹום עַל־יִשְׂרָאֵל