Salmi תהילים (Tehillim) 116

Modern Hebrew Bible	La Sacra Bibbia Tintori
¹ אהבתי כי ישמע יהוה את קולי תחנוני	¹ Lodate tutte il Signore, o nazioni, lodatelo tutti, o popoli;
² כי הטה אזנו לי ובימי אקרא	² perchè s'è affermata sopra di noi la sua misericordia e la verità del Signore rimane in eterno.
³ אפפוני חבלי מות ומצרי שאול מצאוני צרה ויגון אמצא
⁴ ובשם יהוה אקרא אנה יהוה מלטה נפשי
⁵ חנון יהוה וצדיק ואלהינו מרחם
⁶ שמר פתאים יהוה דלותי ולי יהושיע
⁷ שובי נפשי למנוחיכי כי יהוה גמל עליכי
⁸ כי חלצת נפשי ממות את עיני מן דמעה את רגלי מדחי
⁹ אתהלך לפני יהוה בארצות החיים
¹⁰ האמנתי כי אדבר אני עניתי מאד
¹¹ אני אמרתי בחפזי כל האדם כזב
¹² מה אשיב ליהוה כל תגמולוהי עלי
¹³ כוס ישועות אשא ובשם יהוה אקרא
¹⁴ נדרי ליהוה אשלם נגדה נא לכל עמו
¹⁵ יקר בעיני יהוה המותה לחסידיו
¹⁶ אנה יהוה כי אני עבדך אני עבדך בן אמתך פתחת למוסרי
¹⁷ לך אזבח זבח תודה ובשם יהוה אקרא
¹⁸ נדרי ליהוה אשלם נגדה נא לכל עמו
¹⁹ בחצרות בית יהוה בתוככי ירושלם הללו יה