Shir ha-Shirim (שיר השירים ) - Cantico dei Cantici 39

STUTTGARTENSIA-DELITZSCH	MODERN HEBREW BIBLE
1 הֲיָדַעְתָּ עֵת לֶדֶת יַעֲלֵי־סָלַע חֹלֵל אַיָּלֹות תִּשְׁמֹר	1 הידעת עת לדת יעלי סלע חלל אילות תשמר
2 תִּסְפֹּר יְרָחִים תְּמַלֶּאנָה וְיָדַעְתָּ עֵת לִדְתָּנָה	2 תספר ירחים תמלאנה וידעת עת לדתנה
3 תִּכְרַעְנָה יַלְדֵיהֶן תְּפַלַּחְנָה חֶבְלֵיהֶם תְּשַׁלַּחְנָה	3 תכרענה ילדיהן תפלחנה חבליהם תשלחנה
4 יַחְלְמוּ בְנֵיהֶם יִרְבּוּ בַבָּר יָצְאוּ וְלֹא־שָׁבוּ לָמֹו	4 יחלמו בניהם ירבו בבר יצאו ולא שבו למו
5 מִי־שִׁלַּח פֶּרֶא חָפְשִׁי וּמֹסְרֹות עָרֹוד מִי פִתֵּחַ	5 מי שלח פרא חפשי ומסרות ערוד מי פתח
6 אֲשֶׁר־שַׂמְתִּי עֲרָבָה בֵיתֹו וּמִשְׁכְּנֹותָיו מְלֵחָה	6 אשר שמתי ערבה ביתו ומשכנותיו מלחה
7 יִשְׂחַק לַהֲמֹון קִרְיָה תְּשֻׁאֹות נֹוגֵשׂ לֹא יִשְׁמָע	7 ישחק להמון קריה תשאות נוגש לא ישמע
8 יְתוּר הָרִים מִרְעֵהוּ וְאַחַר כָּל־יָרֹוק יִדְרֹושׁ	8 יתור הרים מרעהו ואחר כל ירוק ידרוש
9 הֲיֹאבֶה רֵּים עָבְדֶךָ אִם־יָלִין עַל־אֲבוּסֶךָ	9 היאבה רים עבדך אם ילין על אבוסך
10 הֲ‍תִקְשָׁר־רֵים בְּתֶלֶם עֲבֹתֹו אִם־יְשַׂדֵּד עֲמָקִים אַחֲרֶיךָ	10 התקשר רים בתלם עבתו אם ישדד עמקים אחריך
11 הֲתִבְטַח־בֹּו כִּי־רַב כֹּחֹו וְתַעֲזֹב אֵלָיו יְגִיעֶךָ	11 התבטח בו כי רב כחו ותעזב אליו יגיעך
12 הֲתַאֲמִין בֹּו כִּי־ [יָשׁוּב כ] (יָשִׁיב ק) זַרְעֶךָ וְגָרְנְךָ יֶאֱסֹף	12 התאמין בו כי ישוב זרעך וגרנך יאסף
13 כְּנַף־רְנָנִים נֶעֱלָסָה אִם־אֶבְרָה חֲסִידָה וְנֹצָה	13 כנף רננים נעלסה אם אברה חסידה ונצה
14 כִּי־תַעֲזֹב לָאָרֶץ בֵּצֶיהָ וְעַל־עָפָר תְּחַמֵּם	14 כי תעזב לארץ בציה ועל עפר תחמם
15 וַתִּשְׁכַּח כִּי־רֶגֶל תְּזוּרֶהָ וְחַיַּת הַשָּׂדֶה תְּדוּשֶׁהָ	15 ותשכח כי רגל תזורה וחית השדה תדושה
16 הִקְשִׁיחַ בָּנֶיהָ לְּלֹא־לָהּ לְרִיק יְגִיעָהּ בְּלִי־פָחַד	16 הקשיח בניה ללא לה לריק יגיעה בלי פחד
17 כִּי־הִשָּׁהּ אֱלֹוהַּ חָכְמָה וְלֹא־חָלַק לָהּ בַּבִּינָה	17 כי השה אלוה חכמה ולא חלק לה בבינה
18 כָּעֵת בַּמָּרֹום תַּמְרִיא תִּשְׂחַק לַסּוּס וּלְרֹכְבֹו	18 כעת במרום תמריא תשחק לסוס ולרכבו
19 הֲתִתֵּן לַסּוּס גְּבוּרָה הֲתַלְבִּישׁ צַוָּארֹו רַעְמָה	19 התתן לסוס גבורה התלביש צוארו רעמה
20 הְתַרְעִישֶׁנּוּ כָּאַרְבֶּה הֹוד נַחְרֹו אֵימָה	20 התרעישנו כארבה הוד נחרו אימה
21 יַחְפְּרוּ בָעֵמֶק וְיָשִׂישׂ בְּכֹחַ יֵצֵא לִקְרַאת־נָשֶׁק	21 יחפרו בעמק וישיש בכח יצא לקראת נשק
22 יִשְׂחַק לְפַחַד וְלֹא יֵחָת וְלֹא־יָשׁוּב מִפְּנֵי־חָרֶב	22 ישחק לפחד ולא יחת ולא ישוב מפני חרב
23 עָלָיו תִּרְנֶה אַשְׁפָּה לַהַב חֲנִית וְכִידֹון	23 עליו תרנה אשפה להב חנית וכידון
24 בְּרַעַשׁ וְרֹגֶז יְגַמֶּא־אָרֶץ וְלֹא־יַאֲמִין כִּי־קֹול שֹׁופָר	24 ברעש ורגז יגמא ארץ ולא יאמין כי קול שופר
25 בְּדֵי שֹׁפָר ׀ יֹאמַר הֶאָח וּמֵרָחֹוק יָרִיחַ מִלְחָמָה רַעַם רִים וּתְרוּעָה	25 בדי שפר יאמר האח ומרחוק יריח מלחמה רעם שרים ותרועה
26 הֲ‍מִבִּינָתְךָ יַאֲבֶר־נֵץ יִפְרֹשׂ [כְּנָפֹו כ] (כְּנָפָיו ק) לְתֵימָן	26 המבינתך יאבר נץ יפרש כנפו לתימן
27 אִם־עַל־פִּיךָ יַגְבִּיהַּ נָשֶׁר וְכִי יָרִים קִנֹּו	27 אם על פיך יגביה נשר וכי ירים קנו
28 סֶלַע יִשְׁכֹּן וְיִתְלֹנָן עַל־שֶׁן־סֶלַע וּמְצוּדָה	28 סלע ישכן ויתלנן על שן סלע ומצודה
29 מִשָּׁם חָפַר־אֹכֶל לְמֵרָחֹוק עֵינָיו יַבִּיטוּ	29 משם חפר אכל למרחוק עיניו יביטו
30 [וְאֶפְרֹחֹו כ] (וְאֶפְרֹחָיו ק) יְעַלְעוּ־דָם וּבַאֲשֶׁר חֲלָלִים שָׁם הוּא׃ פ	30 ואפרחו יעלעו דם ובאשר חללים שם הוא