ΨΑΛΜΟΙ - Salmi - Psalms 60

¹ εις το τελος εν υμνοις τω δαυιδ

² εισακουσον ο θεος της δεησεως μου προσχες τη προσευχη μου

³ απο των περατων της γης προς σε εκεκραξα εν τω ακηδιασαι την καρδιαν μου εν πετρα υψωσας με

⁴ ωδηγησας με οτι εγενηθης ελπις μου πυργος ισχυος απο προσωπου εχθρου

⁵ παροικησω εν τω σκηνωματι σου εις τους αιωνας σκεπασθησομαι εν σκεπη των πτερυγων σου διαψαλμα

⁶ οτι συ ο θεος εισηκουσας των ευχων μου εδωκας κληρονομιαν τοις φοβουμενοις το ονομα σου

⁷ ημερας εφ' ημερας βασιλεως προσθησεις ετη αυτου εως ημερας γενεας και γενεας

⁸ διαμενει εις τον αιωνα ενωπιον του θεου ελεος και αληθειαν αυτου τις εκζητησει

⁹ ουτως ψαλω τω ονοματι σου εις τον αιωνα του αιωνος του αποδουναι με τας ευχας μου ημεραν εξ ημερας