ΙΩΒ - Giobbe - Job 13

¹ ιδου ταυτα εωρακεν μου ο οφθαλμος και ακηκοεν μου το ους

² και οιδα οσα και υμεις επιστασθε και ουκ ασυνετωτερος ειμι υμων

³ ου μην δε αλλ' εγω προς κυριον λαλησω ελεγξω δε εναντιον αυτου εαν βουληται

⁴ υμεις δε εστε ιατροι αδικοι και ιαται κακων παντες

⁵ ειη δε υμιν κωφευσαι και αποβησεται υμιν εις σοφιαν

⁶ ακουσατε ελεγχον στοματος μου κρισιν δε χειλεων μου προσεχετε

⁷ ποτερον ουκ εναντι κυριου λαλειτε εναντι δε αυτου φθεγγεσθε δολον

⁸ η υποστελεισθε υμεις δε αυτοι κριται γενεσθε

⁹ καλον γε εαν εξιχνιαση υμας ει γαρ τα παντα ποιουντες προστεθησεσθε αυτω

¹⁰ ουθεν ηττον ελεγξει υμας ει δε και κρυφη προσωπα θαυμασετε

¹¹ ποτερον ουχι δεινα αυτου στροβησει υμας φοβος δε παρ' αυτου επιπεσειται υμιν

¹² αποβησεται δε υμων το αγαυριαμα ισα σποδω το δε σωμα πηλινον

¹³ κωφευσατε ινα λαλησω και αναπαυσωμαι θυμου

¹⁴ αναλαβων τας σαρκας μου τοις οδουσιν ψυχην δε μου θησω εν χειρι

¹⁵ εαν με χειρωσηται ο δυναστης επει και ηρκται η μην λαλησω και ελεγξω εναντιον αυτου

¹⁶ και τουτο μοι αποβησεται εις σωτηριαν ου γαρ εναντιον αυτου δολος εισελευσεται

¹⁷ ακουσατε ακουσατε τα ρηματα μου αναγγελω γαρ υμων ακουοντων

¹⁸ ιδου εγω εγγυς ειμι του κριματος μου οιδα εγω οτι δικαιος αναφανουμαι

¹⁹ τις γαρ εστιν ο κριθησομενος μοι οτι νυν κωφευσω και εκλειψω

²⁰ δυειν δε μοι χρηση τοτε απο του προσωπου σου ου κρυβησομαι

²¹ την χειρα απ' εμου απεχου και ο φοβος σου μη με καταπλησσετω

²² ειτα καλεσεις εγω δε σοι υπακουσομαι η λαλησεις εγω δε σοι δωσω ανταποκρισιν

²³ ποσαι εισιν αι αμαρτιαι μου και αι ανομιαι μου διδαξον με τινες εισιν

²⁴ δια τι απ' εμου κρυπτη ηγησαι δε με υπεναντιον σοι

²⁵ η ως φυλλον κινουμενον υπο ανεμου ευλαβηθηση η ως χορτω φερομενω υπο πνευματος αντικεισαι μοι

²⁶ οτι κατεγραψας κατ' εμου κακα περιεθηκας δε μοι νεοτητος αμαρτιας

²⁷ εθου δε μου τον ποδα εν κωλυματι εφυλαξας δε μου παντα τα εργα εις δε ριζας των ποδων μου αφικου

²⁸ ο παλαιουται ισα ασκω η ωσπερ ιματιον σητοβρωτον