ΣΟΦΙΑ ΣΕΙΡΑΧ - Siracide - Sirach 31

¹ αγρυπνια πλουτου εκτηκει σαρκας και η μεριμνα αυτου αφιστα υπνον

² μεριμνα αγρυπνιας αποστησει νυσταγμον και αρρωστημα βαρυ εκνηψει υπνον

³ εκοπιασεν πλουσιος εν συναγωγη χρηματων και εν τη αναπαυσει εμπιμπλαται των τρυφηματων αυτου

⁴ εκοπιασεν πτωχος εν ελαττωσει βιου και εν τη αναπαυσει επιδεης γινεται

⁵ ο αγαπων χρυσιον ου δικαιωθησεται και ο διωκων διαφορα εν αυτοις πλανηθησεται

⁶ πολλοι εδοθησαν εις πτωμα χαριν χρυσιου και εγενηθη η απωλεια αυτων κατα προσωπον αυτων

⁷ ξυλον προσκομματος εστιν τοις ενθουσιαζουσιν αυτω και πας αφρων αλωσεται εν αυτω

⁸ μακαριος πλουσιος ος ευρεθη αμωμος και ος οπισω χρυσιου ουκ επορευθη

⁹ τις εστιν και μακαριουμεν αυτον εποιησεν γαρ θαυμασια εν λαω αυτου

¹⁰ τις εδοκιμασθη εν αυτω και ετελειωθη και εσται αυτω εις καυχησιν τις εδυνατο παραβηναι και ου παρεβη και ποιησαι κακα και ουκ εποιησεν

¹¹ στερεωθησεται τα αγαθα αυτου και τας ελεημοσυνας αυτου εκδιηγησεται εκκλησια

¹² επι τραπεζης μεγαλης εκαθισας μη ανοιξης επ' αυτης φαρυγγα σου και μη ειπης πολλα γε τα επ' αυτης

¹³ μνησθητι οτι κακον οφθαλμος πονηρος πονηροτερον οφθαλμου τι εκτισται δια τουτο απο παντος προσωπου δακρυει

¹⁴ ου εαν επιβλεψη μη εκτεινης χειρα και μη συνθλιβου αυτω εν τρυβλιω

¹⁵ νοει τα του πλησιον εκ σεαυτου και επι παντι πραγματι διανοου

¹⁶ φαγε ως ανθρωπος τα παρακειμενα σοι και μη διαμασω μη μισηθης

¹⁷ παυσαι πρωτος χαριν παιδειας και μη απληστευου μηποτε προσκοψης

¹⁸ και ει ανα μεσον πλειονων εκαθισας προτερος αυτων μη εκτεινης την χειρα σου

¹⁹ ως ικανον ανθρωπω πεπαιδευμενω το ολιγον και επι της κοιτης αυτου ουκ ασθμαινει

²⁰ υπνος υγιειας επι εντερω μετριω ανεστη πρωι και η ψυχη αυτου μετ' αυτου πονος αγρυπνιας και χολερας και στροφος μετα ανδρος απληστου

²¹ και ει εβιασθης εν εδεσμασιν αναστα εμεσον πορρω και αναπαυση

²² ακουσον μου τεκνον και μη εξουδενησης με και επ' εσχατων ευρησεις τους λογους μου εν πασι τοις εργοις σου γινου εντρεχης και παν αρρωστημα ου μη σοι απαντηση

²³ λαμπρον επ' αρτοις ευλογησει χειλη και η μαρτυρια της καλλονης αυτου πιστη

²⁴ πονηρω επ' αρτω διαγογγυσει πολις και η μαρτυρια της πονηριας αυτου ακριβης

²⁵ εν οινω μη ανδριζου πολλους γαρ απωλεσεν ο οινος

²⁶ καμινος δοκιμαζει στομωμα εν βαφη ουτως οινος καρδιας εν μαχη υπερηφανων

²⁷ εφισον ζωης οινος ανθρωποις εαν πινης αυτον εν μετρω αυτου τις ζωη ελασσουμενω οινω και αυτος εκτισται εις ευφροσυνην ανθρωποις

²⁸ αγαλλιαμα καρδιας και ευφροσυνη ψυχης οινος πινομενος εν καιρω αυταρκης

²⁹ πικρια ψυχης οινος πινομενος πολυς εν ερεθισμω και αντιπτωματι

³⁰ πληθυνει μεθη θυμον αφρονος εις προσκομμα ελαττων ισχυν και προσποιων τραυματα

³¹ εν συμποσιω οινου μη ελεγξης τον πλησιον και μη εξουθενησης αυτον εν ευφροσυνη αυτου λογον ονειδισμου μη ειπης αυτω και μη αυτον θλιψης εν απαιτησει