ΣΟΦΙΑ ΣΕΙΡΑΧ - Siracide - Sirach 18

¹ ο ζων εις τον αιωνα εκτισεν τα παντα κοινη

² κυριος μονος δικαιωθησεται

³ -

⁴ ουθενι εξεποιησεν εξαγγειλαι τα εργα αυτου και τις εξιχνευσει τα μεγαλεια αυτου

⁵ κρατος μεγαλωσυνης αυτου τις εξαριθμησεται και τις προσθησει εκδιηγησασθαι τα ελεη αυτου

⁶ ουκ εστιν ελαττωσαι ουδε προσθειναι και ουκ εστιν εξιχνιασαι τα θαυμασια του κυριου

⁷ οταν συντελεση ανθρωπος τοτε αρχεται και οταν παυσηται τοτε απορηθησεται

⁸ τι ανθρωπος και τι η χρησις αυτου τι το αγαθον αυτου και τι το κακον αυτου

⁹ αριθμος ημερων ανθρωπου πολλα ετη εκατον

¹⁰ ως σταγων υδατος απο θαλασσης και ψηφος αμμου ουτως ολιγα ετη εν ημερα αιωνος

¹¹ δια τουτο εμακροθυμησεν κυριος επ' αυτοις και εξεχεεν επ' αυτους το ελεος αυτου

¹² ειδεν και επεγνω την καταστροφην αυτων οτι πονηρα δια τουτο επληθυνεν τον εξιλασμον αυτου

¹³ ελεος ανθρωπου επι τον πλησιον αυτου ελεος δε κυριου επι πασαν σαρκα ελεγχων και παιδευων και διδασκων και επιστρεφων ως ποιμην το ποιμνιον αυτου

¹⁴ τους εκδεχομενους παιδειαν ελεα και τους κατασπευδοντας επι τα κριματα αυτου

¹⁵ τεκνον εν αγαθοις μη δως μωμον και εν παση δοσει λυπην λογων

¹⁶ ουχι καυσωνα αναπαυσει δροσος ουτως κρεισσων λογος η δοσις

¹⁷ ουκ ιδου λογος υπερ δομα αγαθον και αμφοτερα παρα ανδρι κεχαριτωμενω

¹⁸ μωρος αχαριστως ονειδιει και δοσις βασκανου εκτηκει οφθαλμους

¹⁹ πριν η λαλησαι μανθανε και προ αρρωστιας θεραπευου

²⁰ προ κρισεως εξεταζε σεαυτον και εν ωρα επισκοπης ευρησεις εξιλασμον

²¹ πριν αρρωστησαι σε ταπεινωθητι και εν καιρω αμαρτηματων δειξον επιστροφην

²² μη εμποδισθης του αποδουναι ευχην ευκαιρως και μη μεινης εως θανατου δικαιωθηναι

²³ πριν ευξασθαι ετοιμασον σεαυτον και μη γινου ως ανθρωπος πειραζων τον κυριον

²⁴ μνησθητι θυμου εν ημεραις τελευτης και καιρον εκδικησεως εν αποστροφη προσωπου

²⁵ μνησθητι καιρον λιμου εν καιρω πλησμονης πτωχειαν και ενδειαν εν ημεραις πλουτου

²⁶ απο πρωιθεν εως εσπερας μεταβαλλει καιρος και παντα εστιν ταχινα εναντι κυριου

²⁷ ανθρωπος σοφος εν παντι ευλαβηθησεται και εν ημεραις αμαρτιων προσεξει απο πλημμελειας

²⁸ πας συνετος εγνω σοφιαν και τω ευροντι αυτην δωσει εξομολογησιν

²⁹ συνετοι εν λογοις και αυτοι εσοφισαντο και ανωμβρησαν παροιμιας ακριβεις

³⁰ οπισω των επιθυμιων σου μη πορευου και απο των ορεξεων σου κωλυου

³¹ εαν χορηγησης τη ψυχη σου ευδοκιαν επιθυμιας ποιησει σε επιχαρμα των εχθρων σου

³² μη ευφραινου επι πολλη τρυφη μη προσδεθης συμβολη αυτης

³³ μη γινου πτωχος συμβολοκοπων εκ δανεισμου και ουδεν σοι εστιν εν μαρσιππιω