Salmi 116

BIBBIA VOLGARE	Peshitta
1 Alleluia. Tutte genti, laudate il Signore; laudatelo, tutti populi.	1 ܪܚܡܬ ܕܢܫܡܥ ܡܪܝܐ ܩܠܐ ܕܒܥܘܬܝ
2 Imperò che sopra noi è confirmata la misericordia sua; e la verità del Signore starà ferma in eterno.	2 ܘܢܨܠܐ ܐܕܢܗ ܠܘܬܝ ܒܝܘܡܐ ܕܐܩܪܝܘܗܝ
	3 ܡܛܠ ܕܚܕܪܘܢܝ ܚܒ̈ܠܐ ܕܡܘܬܐ ܘܐ̈ܘܠܨܢܐ ܕܫܝܘܠ ܡܛܝܘܢܝ ܐܘܠܨܢܐ ܘܕܐܘܘܐܢܐ ܐܫܟܚܬ
	4 ܘܒܫܡܗ ܕܡܪܝܐ ܩܪܝܬ ܐܘܢ ܡܪܝܐ ܦܨܗ̇ ܠܢܦܫܝ
	5 ܡܪܚܡܢ ܐܢܬ ܡܪܝܐ ܘܙܕܝܩ ܘܐܠܗܐ ܐܢܬ ܡܪܚܡܢܐ
	6 ܢܛܪ ܠܫܒܪ̈ܐ ܡܪܝܐ ܡܟܟܢܝ ܘܦܪܩܢܝ
	7 ܐܬܦܢܝ ܢܦܫܝ ܠܢܝܚܟܝ ܡܛܠ ܕܡܪܝܐ ܦܪܥܟܝ
	8 ܡܛܠ ܕܦܨܝܬ ܢܦܫܝ ܡܢ ܡܘܬܐ ܘܪ̈ܓܠܝ ܡܢ ܫܪ̈ܥܬܐ
	9 ܕܐܫܦܪ ܩܕܡܝܟ ܡܪܝܐ ܒܐܪܥܐ ܕܚ̈ܝܐ
	10 ܗܝܡܢܬ ܘܡܠܠܬ ܘܐܬܡܟܟܬ ܛܒ
	11 ܐܢܐ ܐܡܪܬ ܒܪܥܝܠܘܬܝ ܕܟܠ ܒܪܢܫ ܕܓܠ
	12 ܡܢܐ ܐܦܪܘܥ ܠܡܪܝܐ ܕܟܠܗܘܢ ܦܘܪ̈ܥܢܘܗܝ ܥܠܝ
	13 ܟܣܐ ܕܦܘܪܩܢܐ ܐܩܒܠ ܘܒܫܡܗ ܕܡܪܝܐ ܐܩܪܐ
	14 ܢܕܪ̈ܝ ܠܡܪܝܐ ܐܦܪܘܥ ܩܕܡ ܟܠܗ ܥܡܐ
	15 ܝܩܝܪ ܗܘ ܒܥܝ̈ܢܘܗܝ ܕܡܪܝܐ ܡܘܬܐ ܕܙܕܝܩ̈ܘܗܝ
	16 ܐܘ ܡܪܝܐ ܐܢܐ ܥܒܕܟ ܥܒܕܟ ܐܢܐ ܘܒܪܗ̇ ܕܐܡܬܟ ܫܪܝܬ ܡܢܝ ܐܣܘܪ̈ܝ
	17 ܠܟ ܐܕܒܚ ܕܒܚ̈ܐ ܕܫܘܒܚܐ ܘܒܫܡܗ ܕܡܪܝܐ ܐܩܪܐ
	18 ܢܕܪ̈ܝ ܠܡܪܝܐ ܐܦܪܘܥ ܩܕܡ ܟܘܠܗ ܥܡܗ
	19 ܒܕܪ̈ܐ ܕܒܝܬܗ ܕܡܪܝܐ ܘܒܓܘܟܝ ܐܘܪܫܠܡ