Salmi 116

BIBBIA VOLGARE	Miqra 'al pi ha-Mesorah
1 Alleluia. Tutte genti, laudate il Signore; laudatelo, tutti populi.	1 אָהַבְתִּי כִּי־יִשְׁמַע ׀ יְהֹוָהאֶת־קוֹלִי תַּחֲנוּנָֽי׃
2 Imperò che sopra noi è confirmata la misericordia sua; e la verità del Signore starà ferma in eterno.	2 כִּי־הִטָּה אׇזְנוֹ לִיוּבְיָמַי אֶקְרָֽא׃
	3 אֲפָפוּנִי ׀ חֶבְלֵי־מָוֶתוּמְצָרֵי שְׁאוֹל מְצָאוּנִיצָרָה וְיָגוֹן אֶמְצָֽא׃
	4 וּבְשֵֽׁם־יְהֹוָה אֶקְרָאאָנָּה יְהֹוָה מַלְּטָה נַפְשִֽׁי׃
	5 חַנּוּן יְהֹוָה וְצַדִּיקוֵאלֹהֵינוּ מְרַחֵֽם׃
	6 שֹׁמֵר פְּתָאיִם יְהֹוָהדַּלֹּתִי וְלִי יְהוֹשִֽׁיעַ׃
	7 שׁוּבִי נַפְשִׁי לִמְנוּחָיְכִיכִּֽי־יְהֹוָה גָּמַל עָלָֽיְכִי׃
	8 כִּי חִלַּצְתָּ נַפְשִׁי מִמָּוֶתאֶת־עֵינִי מִן־דִּמְעָהאֶת־רַגְלִי מִדֶּֽחִי׃
	9 אֶתְהַלֵּךְ לִפְנֵי יְהֹוָהבְּאַרְצוֹת הַחַיִּֽים׃
	10 הֶאֱמַנְתִּי כִּי אֲדַבֵּראֲנִי עָנִיתִי מְאֹֽד׃
	11 אֲנִי אָמַרְתִּי בְחׇפְזִיכׇּֽל־הָאָדָם כֹּזֵֽב׃
	12 מָה־אָשִׁיב לַיהֹוָהכׇּֽל־תַּגְמוּלוֹהִי עָלָֽי׃
	13 כּוֹס־יְשׁוּעוֹת אֶשָּׂאוּבְשֵׁם יְהֹוָה אֶקְרָֽא׃
	14 נְדָרַי לַיהֹוָה אֲשַׁלֵּםנֶגְדָה־נָּא לְכׇל־עַמּֽוֹ׃
	15 יָקָר בְּעֵינֵי יְהֹוָההַמָּוְתָה לַחֲסִידָֽיו׃
	16 אָנָּה יְהֹוָה כִּֽי־אֲנִי עַבְדֶּךָאֲנִי־עַבְדְּךָ בֶּן־אֲמָתֶךָפִּתַּחְתָּ לְמֽוֹסֵרָֽי׃
	17 לְֽךָ־אֶזְבַּח זֶבַח תּוֹדָהוּבְשֵׁם יְהֹוָה אֶקְרָֽא׃
	18 נְדָרַי לַיהֹוָה אֲשַׁלֵּםנֶגְדָה־נָּא לְכׇל־עַמּֽוֹ׃
	19 בְּחַצְרוֹת ׀ בֵּית יְהֹוָהבְּֽתוֹכֵכִי יְֽרוּשָׁלָ‍ִםהַֽלְלוּ־יָֽהּ׃