ΣΟΦΙΑ ΣΕΙΡΑΧ - Siracide - Sirach 35

¹ ο συντηρων νομον πλεοναζει προσφορας θυσιαζων σωτηριου ο προσεχων εντολαις

² ανταποδιδους χαριν προσφερων σεμιδαλιν και ο ποιων ελεημοσυνην θυσιαζων αινεσεως

³ ευδοκια κυριου αποστηναι απο πονηριας και εξιλασμος αποστηναι απο αδικιας

⁴ μη οφθης εν προσωπω κυριου κενος παντα γαρ ταυτα χαριν εντολης

⁵ προσφορα δικαιου λιπαινει θυσιαστηριον και η ευωδια αυτης εναντι υψιστου

⁶ θυσια ανδρος δικαιου δεκτη και το μνημοσυνον αυτης ουκ επιλησθησεται

⁷ εν αγαθω οφθαλμω δοξασον τον κυριον και μη σμικρυνης απαρχην χειρων σου

⁸ εν παση δοσει ιλαρωσον το προσωπον σου και εν ευφροσυνη αγιασον δεκατην

⁹ δος υψιστω κατα την δοσιν αυτου και εν αγαθω οφθαλμω καθ' ευρεμα χειρος

¹⁰ οτι κυριος ανταποδιδους εστιν και επταπλασια ανταποδωσει σοι

¹¹ μη δωροκοπει ου γαρ προσδεξεται και μη επεχε θυσια αδικω

¹² οτι κυριος κριτης εστιν και ουκ εστιν παρ' αυτω δοξα προσωπου

¹³ ου λημψεται προσωπον επι πτωχου και δεησιν ηδικημενου εισακουσεται

¹⁴ ου μη υπεριδη ικετειαν ορφανου και χηραν εαν εκχεη λαλιαν

¹⁵ ουχι δακρυα χηρας επι σιαγονα καταβαινει και η καταβοησις επι τω καταγαγοντι αυτα

¹⁶ θεραπευων εν ευδοκια δεχθησεται και η δεησις αυτου εως νεφελων συναψει

¹⁷ προσευχη ταπεινου νεφελας διηλθεν και εως συνεγγιση ου μη παρακληθη

¹⁸ και ου μη αποστη εως επισκεψηται ο υψιστος και κρινει δικαιοις και ποιησει κρισιν

¹⁹ και ο κυριος ου μη βραδυνη ουδε μη μακροθυμηση επ' αυτοις

²⁰ εως αν συντριψη οσφυν ανελεημονων και τοις εθνεσιν ανταποδωσει εκδικησιν

²¹ εως εξαρη πληθος υβριστων και σκηπτρα αδικων συντριψει

²² εως ανταποδω ανθρωπω κατα τας πραξεις αυτου και τα εργα των ανθρωπων κατα τα ενθυμηματα αυτων

²³ εως κρινη την κρισιν του λαου αυτου και ευφρανει αυτους εν τω ελεει αυτου

²⁴ ωραιον ελεος εν καιρω θλιψεως αυτου ως νεφελαι υετου εν καιρω αβροχιας