ΨΑΛΜΟΙ - Salmi - Psalms 104

¹ αλληλουια εξομολογεισθε τω κυριω και επικαλεισθε το ονομα αυτου απαγγειλατε εν τοις εθνεσιν τα εργα αυτου

² ασατε αυτω και ψαλατε αυτω διηγησασθε παντα τα θαυμασια αυτου

³ επαινεισθε εν τω ονοματι τω αγιω αυτου ευφρανθητω καρδια ζητουντων τον κυριον

⁴ ζητησατε τον κυριον και κραταιωθητε ζητησατε το προσωπον αυτου δια παντος

⁵ μνησθητε των θαυμασιων αυτου ων εποιησεν τα τερατα αυτου και τα κριματα του στοματος αυτου

⁶ σπερμα αβρααμ δουλοι αυτου υιοι ιακωβ εκλεκτοι αυτου

⁷ αυτος κυριος ο θεος ημων εν παση τη γη τα κριματα αυτου

⁸ εμνησθη εις τον αιωνα διαθηκης αυτου λογου ου ενετειλατο εις χιλιας γενεας

⁹ ον διεθετο τω αβρααμ και του ορκου αυτου τω ισαακ

¹⁰ και εστησεν αυτην τω ιακωβ εις προσταγμα και τω ισραηλ διαθηκην αιωνιον

¹¹ λεγων σοι δωσω την γην χανααν σχοινισμα κληρονομιας υμων

¹² εν τω ειναι αυτους αριθμω βραχεις ολιγοστους και παροικους εν αυτη

¹³ και διηλθον εξ εθνους εις εθνος εκ βασιλειας εις λαον ετερον

¹⁴ ουκ αφηκεν ανθρωπον αδικησαι αυτους και ηλεγξεν υπερ αυτων βασιλεις

¹⁵ μη απτεσθε των χριστων μου και εν τοις προφηταις μου μη πονηρευεσθε

¹⁶ και εκαλεσεν λιμον επι την γην παν στηριγμα αρτου συνετριψεν

¹⁷ απεστειλεν εμπροσθεν αυτων ανθρωπον εις δουλον επραθη ιωσηφ

¹⁸ εταπεινωσαν εν πεδαις τους ποδας αυτου σιδηρον διηλθεν η ψυχη αυτου

¹⁹ μεχρι του ελθειν τον λογον αυτου το λογιον κυριου επυρωσεν αυτον

²⁰ απεστειλεν βασιλευς και ελυσεν αυτον αρχων λαων και αφηκεν αυτον

²¹ κατεστησεν αυτον κυριον του οικου αυτου και αρχοντα πασης της κτησεως αυτου

²² του παιδευσαι τους αρχοντας αυτου ως εαυτον και τους πρεσβυτερους αυτου σοφισαι

²³ και εισηλθεν ισραηλ εις αιγυπτον και ιακωβ παρωκησεν εν γη χαμ

²⁴ και ηυξησεν τον λαον αυτου σφοδρα και εκραταιωσεν αυτον υπερ τους εχθρους αυτου

²⁵ μετεστρεψεν την καρδιαν αυτων του μισησαι τον λαον αυτου του δολιουσθαι εν τοις δουλοις αυτου

²⁶ εξαπεστειλεν μωυσην τον δουλον αυτου ααρων ον εξελεξατο αυτον

²⁷ εθετο εν αυτοις τους λογους των σημειων αυτου και των τερατων εν γη χαμ

²⁸ εξαπεστειλεν σκοτος και εσκοτασεν και παρεπικραναν τους λογους αυτου

²⁹ μετεστρεψεν τα υδατα αυτων εις αιμα και απεκτεινεν τους ιχθυας αυτων

³⁰ εξηρψεν η γη αυτων βατραχους εν τοις ταμιειοις των βασιλεων αυτων

³¹ ειπεν και ηλθεν κυνομυια και σκνιπες εν πασι τοις οριοις αυτων

³² εθετο τας βροχας αυτων χαλαζαν πυρ καταφλεγον εν τη γη αυτων

³³ και επαταξεν τας αμπελους αυτων και τας συκας αυτων και συνετριψεν παν ξυλον οριου αυτων

³⁴ ειπεν και ηλθεν ακρις και βρουχος ου ουκ ην αριθμος

³⁵ και κατεφαγεν παντα τον χορτον εν τη γη αυτων και κατεφαγεν τον καρπον της γης αυτων

³⁶ και επαταξεν παν πρωτοτοκον εν τη γη αυτων απαρχην παντος πονου αυτων

³⁷ και εξηγαγεν αυτους εν αργυριω και χρυσιω και ουκ ην εν ταις φυλαις αυτων ασθενων

³⁸ ευφρανθη αιγυπτος εν τη εξοδω αυτων οτι επεπεσεν ο φοβος αυτων επ' αυτους

³⁹ διεπετασεν νεφελην εις σκεπην αυτοις και πυρ του φωτισαι αυτοις την νυκτα

⁴⁰ ητησαν και ηλθεν ορτυγομητρα και αρτον ουρανου ενεπλησεν αυτους

⁴¹ διερρηξεν πετραν και ερρυησαν υδατα επορευθησαν εν ανυδροις ποταμοι

⁴² οτι εμνησθη του λογου του αγιου αυτου του προς αβρααμ τον δουλον αυτου

⁴³ και εξηγαγεν τον λαον αυτου εν αγαλλιασει και τους εκλεκτους αυτου εν ευφροσυνη

⁴⁴ και εδωκεν αυτοις χωρας εθνων και πονους λαων εκληρονομησαν

⁴⁵ οπως αν φυλαξωσιν τα δικαιωματα αυτου και τον νομον αυτου εκζητησωσιν