Siracide 27
Confronta con un'altra Bibbia
Cambia Bibbia
NOVA VULGATA | VULGATA |
---|---|
1 Propter lucrum multi deliquerunt; et, qui quaerit locupletari, avertet oculum suum. | 1 Propter inopiam multi deliquerunt : et qui quærit locupletari avertit oculum suum. |
2 Sicut in medio compaginis lapidum palus figitur, sic et inter medium venditionis et emptionis constringitur peccatum. | 2 Sicut in medio compaginis lapidum palus figitur, sic et inter medium venditionis et emptionis angustiabitur peccatum : |
3 | 3 conteretur cum delinquente delictum. |
4 Si non in timore Domini tenueris te, instanter cito subvertetur domus tua. | 4 Si non in timore Domini tenueris te instanter, cito subvertetur domus tua. |
5 Sicut in percussura cribri remanent quisquiliae, sic peripsemata hominis in cogitatu illius. | 5 Sicut in percussura cribri remanebit pulvis, sic aporia hominis in cogitatu illius. |
6 Vasa figuli probat fornax, et homines iustos tentatio tribulationis. | 6 Vasa figuli probat fornax, et homines justos tentatio tribulationis. |
7 Sicut rusticationem ligni ostendit fructus illius, sic verbum ex cogitatu cordis hominis. | 7 Sicut rusticatio de ligno ostendit fructum illius, sic verbum ex cogitatu cordis hominis. |
8 Ante sermonem non laudes virum: haec enim tentatio est hominum. | 8 Ante sermonem non laudes virum : hæc enim tentatio est hominum. |
9 Si sequaris iustitiam, apprehendes illam et indues quasi poderem honoris et inhabitabis cum ea, et proteget te in sempiternum, et in die agnitionis invenies firmamentum. | 9 Si sequaris justitiam, apprehendes illam, et indues quasi poderem honoris : et inhabitabis cum ea, et proteget te in sempiternum, et in die agnitionis invenies firmamentum. |
10 Volatilia ad sibi similia conveniunt, et veritas ad eos, qui operantur illam, revertetur. | 10 Volatilia ad sibi similia conveniunt : et veritas ad eos qui operantur illam revertetur. |
11 Leo venationi insidiatur semper, sic peccata operantibus iniquitates. | 11 Leo venationi insidiatur semper : sic peccata operantibus iniquitates. |
12 Loquela timorati semper in sapientia manet; stultus autem sicut luna mutatur. | 12 Homo sanctus in sapientia manet sicut sol : nam stultus sicut luna mutatur. |
13 In medio insensatorum serva tempus, in medio autem cogitantium assiduus esto. | 13 In medio insensatorum serva verbum tempori : in medio autem cogitantium assiduus esto. |
14 Loquela stultorum odiosa, et risus illorum in deliciis peccati. | 14 Narratio peccantium odiosa, et risus illorum in deliciis peccati. |
15 Loquacitas multum iurantis horripilationem capiti statuet, et rixa illorum obturatio aurium. | 15 Loquela multum jurans horripilationem capiti statuet, et irreverentia ipsius obturatio aurium. |
16 Effusio sanguinis rixa superborum, et maledictio illorum auditus gravis. | 16 Effusio sanguinis in rixa superborum, et maledictio illorum auditus gravis. |
17 Qui denudat arcana, amici fidem perdit et non inveniet amicum ad animum suum: | 17 Qui denudat arcana amici fidem perdit, et non inveniet amicum ad animum suum. |
18 dilige amicum et coniungere fide cum illo; | 18 Dilige proximum, et conjungere fide cum illo. |
19 quod, si denudaveris absconsa illius, non persequeris post eum. | 19 Quod si denudaveris absconsa illius, non persequeris post eum. |
20 Sicut enim homo, qui extulit mortuum suum, sic et qui perdit amicitiam proximi sui; | 20 Sicut enim homo qui perdit amicum suum, sic et qui perdit amicitiam proximi sui. |
21 et sicut qui dimittit avem de manu sua, sic dereliquisti proximum tuum et non eum capies. | 21 Et sicut qui dimittit avem de manu sua, sic dereliquisti proximum tuum, et non eum capies. |
22 Non illum sequaris, quoniam longe abest; effugit enim quasi caprea de laqueo, quoniam vulnerata est anima eius; | 22 Non illum sequaris, quoniam longe abest : effugit enim quasi caprea de laqueo, quoniam vulnerata est anima ejus : |
23 ultra eum non poteris colligare. Et maledicti est concordatio, | 23 ultra eum non poteris colligare. Et maledicti est concordatio : |
24 denudare autem amici mysteria amputatio spei est. | 24 denudare autem amici mysteria, desperatio est animæ infelicis. |
25 Annuens oculo fabricat iniqua; qui novit eum, recedet ab illo. | 25 Annuens oculo fabricat iniqua, et nemo eum abjiciet. |
26 In conspectu oculorum tuorum condulcabit os suum et super sermones tuos admirabitur; novissime autem pervertet os suum et in verbis tuis dabit scandalum. | 26 In conspectu oculorum tuorum condulcabit os suum, et super sermones tuos admirabitur : novissime autem pervertet os suum, et in verbis tuis dabit scandalum. |
27 Multa odivi et non coaequavi ei, et Dominus odiet illum. | 27 Multa odivi, et non coæquavi ei, et Dominus odiet illum. |
28 Qui in altum mittit lapidem, super caput eius cadet, et plaga dolosa dolosi dividet vulnera. | 28 Qui in altum mittit lapidem, super caput ejus cadet : et plaga dolosa dolosi dividet vulnera. |
29 Qui foveam fodit, incidet in eam, et, qui statuit lapidem proximo, offendet in eo, et, qui laqueum alii ponit, capietur in illo. | 29 Et qui foveam fodit incidet in eam : et qui statuit lapidem proximo offendet in eo : et qui laqueum alii ponit, peribit in illo. |
30 Facienti nequissimum consilium, super ipsum devolvetur, et non agnoscet, unde adveniat illi. | 30 Facienti nequissimum consilium, super ipsum devolvetur, et non agnoscet unde adveniat illi. |
31 Illusio et improperium superbo, et vindicta sicut leo insidiabitur illi. | 31 Illusio et improperium superborum, et vindicta sicut leo insidiabitur illi. |
32 Laqueo capientur, qui oblectantur casu iustorum, dolor autem consumet illos, antequam moriantur. | 32 Laqueo peribunt qui oblectantur casu justorum, dolor autem consumet illos antequam moriantur. |
33 Ira et furor utraque exsecrabilia sunt, et vir peccator continens erit illorum. | 33 Ira et furor utraque execrabilia sunt, et vir peccator continens erit illorum. |