ΨΑΛΜΟΙ - Salmi - Psalms 32

¹ τω δαυιδ αγαλλιασθε δικαιοι εν τω κυριω τοις ευθεσι πρεπει αινεσις

² εξομολογεισθε τω κυριω εν κιθαρα εν ψαλτηριω δεκαχορδω ψαλατε αυτω

³ ασατε αυτω ασμα καινον καλως ψαλατε εν αλαλαγμω

⁴ οτι ευθης ο λογος του κυριου και παντα τα εργα αυτου εν πιστει

⁵ αγαπα ελεημοσυνην και κρισιν του ελεους κυριου πληρης η γη

⁶ τω λογω του κυριου οι ουρανοι εστερεωθησαν και τω πνευματι του στοματος αυτου πασα η δυναμις αυτων

⁷ συναγων ως ασκον υδατα θαλασσης τιθεις εν θησαυροις αβυσσους

⁸ φοβηθητω τον κυριον πασα η γη απ' αυτου δε σαλευθητωσαν παντες οι κατοικουντες την οικουμενην

⁹ οτι αυτος ειπεν και εγενηθησαν αυτος ενετειλατο και εκτισθησαν

¹⁰ κυριος διασκεδαζει βουλας εθνων αθετει δε λογισμους λαων και αθετει βουλας αρχοντων

¹¹ η δε βουλη του κυριου εις τον αιωνα μενει λογισμοι της καρδιας αυτου εις γενεαν και γενεαν

¹² μακαριον το εθνος ου εστιν κυριος ο θεος αυτου λαος ον εξελεξατο εις κληρονομιαν εαυτω

¹³ εξ ουρανου επεβλεψεν ο κυριος ειδεν παντας τους υιους των ανθρωπων

¹⁴ εξ ετοιμου κατοικητηριου αυτου επεβλεψεν επι παντας τους κατοικουντας την γην

¹⁵ ο πλασας κατα μονας τας καρδιας αυτων ο συνιεις εις παντα τα εργα αυτων

¹⁶ ου σωζεται βασιλευς δια πολλην δυναμιν και γιγας ου σωθησεται εν πληθει ισχυος αυτου

¹⁷ ψευδης ιππος εις σωτηριαν εν δε πληθει δυναμεως αυτου ου σωθησεται

¹⁸ ιδου οι οφθαλμοι κυριου επι τους φοβουμενους αυτον τους ελπιζοντας επι το ελεος αυτου

¹⁹ ρυσασθαι εκ θανατου τας ψυχας αυτων και διαθρεψαι αυτους εν λιμω

²⁰ η ψυχη ημων υπομενει τω κυριω οτι βοηθος και υπερασπιστης ημων εστιν

²¹ οτι εν αυτω ευφρανθησεται η καρδια ημων και εν τω ονοματι τω αγιω αυτου ηλπισαμεν

²² γενοιτο το ελεος σου κυριε εφ' ημας καθαπερ ηλπισαμεν επι σε