ΣΟΦΙΑ ΣΕΙΡΑΧ - Siracide - Sirach 15

¹ ο φοβουμενος κυριον ποιησει αυτο και ο εγκρατης του νομου καταλημψεται αυτην

² και υπαντησεται αυτω ως μητηρ και ως γυνη παρθενιας προσδεξεται αυτον

³ ψωμιει αυτον αρτον συνεσεως και υδωρ σοφιας ποτισει αυτον

⁴ στηριχθησεται επ' αυτην και ου μη κλιθη και επ' αυτης εφεξει και ου μη καταισχυνθη

⁵ και υψωσει αυτον παρα τους πλησιον αυτου και εν μεσω εκκλησιας ανοιξει το στομα αυτου

⁶ ευφροσυνην και στεφανον αγαλλιαματος ευρησει και ονομα αιωνος κατακληρονομησει

⁷ ου μη καταλημψονται αυτην ανθρωποι ασυνετοι και ανδρες αμαρτωλοι ου μη ιδωσιν αυτην

⁸ μακραν εστιν υπερηφανιας και ανδρες ψευσται ου μη μνησθησονται αυτης

⁹ ουχ ωραιος αινος εν στοματι αμαρτωλου οτι ου παρα κυριου απεσταλη

¹⁰ εν γαρ σοφια ρηθησεται αινος και ο κυριος ευοδωσει αυτον

¹¹ μη ειπης οτι δια κυριον απεστην α γαρ εμισησεν ου ποιησει

¹² μη ειπης οτι αυτος με επλανησεν ου γαρ χρειαν εχει ανδρος αμαρτωλου

¹³ παν βδελυγμα εμισησεν ο κυριος και ουκ εστιν αγαπητον τοις φοβουμενοις αυτον

¹⁴ αυτος εξ αρχης εποιησεν ανθρωπον και αφηκεν αυτον εν χειρι διαβουλιου αυτου

¹⁵ εαν θελης συντηρησεις εντολας και πιστιν ποιησαι ευδοκιας

¹⁶ παρεθηκεν σοι πυρ και υδωρ ου εαν θελης εκτενεις την χειρα σου

¹⁷ εναντι ανθρωπων η ζωη και ο θανατος και ο εαν ευδοκηση δοθησεται αυτω

¹⁸ οτι πολλη η σοφια του κυριου ισχυρος εν δυναστεια και βλεπων τα παντα

¹⁹ και οι οφθαλμοι αυτου επι τους φοβουμενους αυτον και αυτος επιγνωσεται παν εργον ανθρωπου

²⁰ ουκ ενετειλατο ουδενι ασεβειν και ουκ εδωκεν ανεσιν ουδενι αμαρτανειν