ΠΑΡΟΙΜΙΑΙ - Proverbi - Proverbs 10

¹ υιος σοφος ευφραινει πατερα υιος δε αφρων λυπη τη μητρι

² ουκ ωφελησουσιν θησαυροι ανομους δικαιοσυνη δε ρυσεται εκ θανατου

³ ου λιμοκτονησει κυριος ψυχην δικαιαν ζωην δε ασεβων ανατρεψει

⁴ πενια ανδρα ταπεινοι χειρες δε ανδρειων πλουτιζουσιν [4α] υιος πεπαιδευμενος σοφος εσται τω δε αφρονι διακονω χρησεται

⁵ διεσωθη απο καυματος υιος νοημων ανεμοφθορος δε γινεται εν αμητω υιος παρανομος

⁶ ευλογια κυριου επι κεφαλην δικαιου στομα δε ασεβων καλυψει πενθος αωρον

⁷ μνημη δικαιων μετ' εγκωμιων ονομα δε ασεβους σβεννυται

⁸ σοφος καρδια δεξεται εντολας ο δε αστεγος χειλεσιν σκολιαζων υποσκελισθησεται

⁹ ος πορευεται απλως πορευεται πεποιθως ο δε διαστρεφων τας οδους αυτου γνωσθησεται

¹⁰ ο εννευων οφθαλμοις μετα δολου συναγει ανδρασι λυπας ο δε ελεγχων μετα παρρησιας ειρηνοποιει

¹¹ πηγη ζωης εν χειρι δικαιου στομα δε ασεβους καλυψει απωλεια

¹² μισος εγειρει νεικος παντας δε τους μη φιλονεικουντας καλυπτει φιλια

¹³ ος εκ χειλεων προφερει σοφιαν ραβδω τυπτει ανδρα ακαρδιον

¹⁴ σοφοι κρυψουσιν αισθησιν στομα δε προπετους εγγιζει συντριβη

¹⁵ κτησις πλουσιων πολις οχυρα συντριβη δε ασεβων πενια

¹⁶ εργα δικαιων ζωην ποιει καρποι δε ασεβων αμαρτιας

¹⁷ οδους δικαιας ζωης φυλασσει παιδεια παιδεια δε ανεξελεγκτος πλαναται

¹⁸ καλυπτουσιν εχθραν χειλη δικαια οι δε εκφεροντες λοιδοριας αφρονεστατοι εισιν

¹⁹ εκ πολυλογιας ουκ εκφευξη αμαρτιαν φειδομενος δε χειλεων νοημων εση

²⁰ αργυρος πεπυρωμενος γλωσσα δικαιου καρδια δε ασεβους εκλειψει

²¹ χειλη δικαιων επισταται υψηλα οι δε αφρονες εν ενδεια τελευτωσιν

²² ευλογια κυριου επι κεφαλην δικαιου αυτη πλουτιζει και ου μη προστεθη αυτη λυπη εν καρδια

²³ εν γελωτι αφρων πρασσει κακα η δε σοφια ανδρι τικτει φρονησιν

²⁴ εν απωλεια ασεβης περιφερεται επιθυμια δε δικαιου δεκτη

²⁵ παραπορευομενης καταιγιδος αφανιζεται ασεβης δικαιος δε εκκλινας σωζεται εις τον αιωνα

²⁶ ωσπερ ομφαξ οδουσι βλαβερον και καπνος ομμασιν ουτως παρανομια τοις χρωμενοις αυτην

²⁷ φοβος κυριου προστιθησιν ημερας ετη δε ασεβων ολιγωθησεται

²⁸ εγχρονιζει δικαιοις ευφροσυνη ελπις δε ασεβων ολλυται

²⁹ οχυρωμα οσιου φοβος κυριου συντριβη δε τοις εργαζομενοις κακα

³⁰ δικαιος τον αιωνα ουκ ενδωσει ασεβεις δε ουκ οικησουσιν γην

³¹ στομα δικαιου αποσταζει σοφιαν γλωσσα δε αδικου εξολειται

³² χειλη ανδρων δικαιων αποσταζει χαριτας στομα δε ασεβων αποστρεφεται