ΨΑΛΜΟΙ - Salmi - Psalms 89

¹ προσευχη του μωυση ανθρωπου του θεου κυριε καταφυγη εγενηθης ημιν εν γενεα και γενεα

² προ του ορη γενηθηναι και πλασθηναι την γην και την οικουμενην και απο του αιωνος εως του αιωνος συ ει

³ μη αποστρεψης ανθρωπον εις ταπεινωσιν και ειπας επιστρεψατε υιοι ανθρωπων

⁴ οτι χιλια ετη εν οφθαλμοις σου ως η ημερα η εχθες ητις διηλθεν και φυλακη εν νυκτι

⁵ τα εξουδενωματα αυτων ετη εσονται το πρωι ωσει χλοη παρελθοι

⁶ το πρωι ανθησαι και παρελθοι το εσπερας αποπεσοι σκληρυνθειη και ξηρανθειη

⁷ οτι εξελιπομεν εν τη οργη σου και εν τω θυμω σου εταραχθημεν

⁸ εθου τας ανομιας ημων ενωπιον σου ο αιων ημων εις φωτισμον του προσωπου σου

⁹ οτι πασαι αι ημεραι ημων εξελιπον και εν τη οργη σου εξελιπομεν τα ετη ημων ως αραχνην εμελετων

¹⁰ αι ημεραι των ετων ημων εν αυτοις εβδομηκοντα ετη εαν δε εν δυναστειαις ογδοηκοντα ετη και το πλειον αυτων κοπος και πονος οτι επηλθεν πραυτης εφ' ημας και παιδευθησομεθα

¹¹ τις γινωσκει το κρατος της οργης σου και απο του φοβου σου τον θυμον σου

¹² εξαριθμησασθαι την δεξιαν σου ουτως γνωρισον και τους πεπεδημενους τη καρδια εν σοφια

¹³ επιστρεψον κυριε εως ποτε και παρακληθητι επι τοις δουλοις σου

¹⁴ ενεπλησθημεν το πρωι του ελεους σου και ηγαλλιασαμεθα και ευφρανθημεν εν πασαις ταις ημεραις ημων

¹⁵ ευφρανθημεν ανθ' ων ημερων εταπεινωσας ημας ετων ων ειδομεν κακα

¹⁶ και ιδε επι τους δουλους σου και τα εργα σου και οδηγησον τους υιους αυτων

¹⁷ και εστω η λαμπροτης κυριου του θεου ημων εφ' ημας και τα εργα των χειρων ημων κατευθυνον εφ' ημας