ΨΑΛΜΟΙ - Salmi - Psalms 65

¹ εις το τελος ωδη ψαλμου αναστασεως αλαλαξατε τω θεω πασα η γη

² ψαλατε δη τω ονοματι αυτου δοτε δοξαν αινεσει αυτου

³ ειπατε τω θεω ως φοβερα τα εργα σου εν τω πληθει της δυναμεως σου ψευσονται σε οι εχθροι σου

⁴ πασα η γη προσκυνησατωσαν σοι και ψαλατωσαν σοι ψαλατωσαν τω ονοματι σου διαψαλμα

⁵ δευτε και ιδετε τα εργα του θεου φοβερος εν βουλαις υπερ τους υιους των ανθρωπων

⁶ ο μεταστρεφων την θαλασσαν εις ξηραν εν ποταμω διελευσονται ποδι εκει ευφρανθησομεθα επ' αυτω

⁷ τω δεσποζοντι εν τη δυναστεια αυτου του αιωνος οι οφθαλμοι αυτου επι τα εθνη επιβλεπουσιν οι παραπικραινοντες μη υψουσθωσαν εν εαυτοις διαψαλμα

⁸ ευλογειτε εθνη τον θεον ημων και ακουτισασθε την φωνην της αινεσεως αυτου

⁹ του θεμενου την ψυχην μου εις ζωην και μη δοντος εις σαλον τους ποδας μου

¹⁰ οτι εδοκιμασας ημας ο θεος επυρωσας ημας ως πυρουται το αργυριον

¹¹ εισηγαγες ημας εις την παγιδα εθου θλιψεις επι τον νωτον ημων

¹² επεβιβασας ανθρωπους επι τας κεφαλας ημων διηλθομεν δια πυρος και υδατος και εξηγαγες ημας εις αναψυχην

¹³ εισελευσομαι εις τον οικον σου εν ολοκαυτωμασιν αποδωσω σοι τας ευχας μου

¹⁴ ας διεστειλεν τα χειλη μου και ελαλησεν το στομα μου εν τη θλιψει μου

¹⁵ ολοκαυτωματα μεμυαλωμενα ανοισω σοι μετα θυμιαματος και κριων ποιησω σοι βοας μετα χιμαρων διαψαλμα

¹⁶ δευτε ακουσατε και διηγησομαι παντες οι φοβουμενοι τον θεον οσα εποιησεν τη ψυχη μου

¹⁷ προς αυτον τω στοματι μου εκεκραξα και υψωσα υπο την γλωσσαν μου

¹⁸ αδικιαν ει εθεωρουν εν καρδια μου μη εισακουσατω κυριος

¹⁹ δια τουτο εισηκουσεν μου ο θεος προσεσχεν τη φωνη της δεησεως μου

²⁰ ευλογητος ο θεος ος ουκ απεστησεν την προσευχην μου και το ελεος αυτου απ' εμου