ΨΑΛΜΟΙ - Salmi - Psalms 38

¹ εις το τελος τω ιδιθουν ωδη τω δαυιδ

² ειπα φυλαξω τας οδους μου του μη αμαρτανειν εν γλωσση μου εθεμην τω στοματι μου φυλακην εν τω συστηναι τον αμαρτωλον εναντιον μου

³ εκωφωθην και εταπεινωθην και εσιγησα εξ αγαθων και το αλγημα μου ανεκαινισθη

⁴ εθερμανθη η καρδια μου εντος μου και εν τη μελετη μου εκκαυθησεται πυρ ελαλησα εν γλωσση μου

⁵ γνωρισον μοι κυριε το περας μου και τον αριθμον των ημερων μου τις εστιν ινα γνω τι υστερω εγω

⁶ ιδου παλαιστας εθου τας ημερας μου και η υποστασις μου ωσει ουθεν ενωπιον σου πλην τα συμπαντα ματαιοτης πας ανθρωπος ζων διαψαλμα

⁷ μεντοιγε εν εικονι διαπορευεται ανθρωπος πλην ματην ταρασσονται θησαυριζει και ου γινωσκει τινι συναξει αυτα

⁸ και νυν τις η υπομονη μου ουχι ο κυριος και η υποστασις μου παρα σου εστιν

⁹ απο πασων των ανομιων μου ρυσαι με ονειδος αφρονι εδωκας με

¹⁰ εκωφωθην και ουκ ηνοιξα το στομα μου οτι συ ει ο ποιησας με

¹¹ αποστησον απ' εμου τας μαστιγας σου απο της ισχυος της χειρος σου εγω εξελιπον

¹² εν ελεγμοις υπερ ανομιας επαιδευσας ανθρωπον και εξετηξας ως αραχνην την ψυχην αυτου πλην ματην ταρασσεται πας ανθρωπος διαψαλμα

¹³ εισακουσον της προσευχης μου κυριε και της δεησεως μου ενωτισαι των δακρυων μου μη παρασιωπησης οτι παροικος εγω ειμι παρα σοι και παρεπιδημος καθως παντες οι πατερες μου

¹⁴ ανες μοι ινα αναψυξω προ του με απελθειν και ουκετι μη υπαρξω